تاثیر،۱۸ نومبر۲۰۲۳:- ایس -ایم- حسن
غزہ ،18نومبر: شمالی غزہ کیکئی علاقوں میں اسرائیلی طیاروں کی شدید بمباری جاری ہے جہاں اسکولوں، رہائشی عمارتوں اور اسپتالوں پر بم برسائے جارہے ہیں جب کہ اسرائیلی بمباری میں شہید فلسطینیوں کی تعداد 12 ہزار سے زائد ہوگئی ہے۔میڈیا رپورٹس کے مطابق اسرائیلی حملوں میں زخمی ہونے والوں کی تعداد 30ہزار سے زیادہ ہے۔شمالی غزہ کی پٹی میں انڈونیشیا اسپتال کے آس پاس بھی بمباری کی جارہی ہے، اسرائیل نے غزہ میں صابرہ علاقے پر بمباری کی جس میں سے درجنوں افراد شہید ہوگئے جب کہ اقوام متحدہ کے زیر انتظام الفلاح اسکول پر بمباری میں کئی پناہ گزین شہید ہوگئے۔الوفا اسپتال پر اسرائیلی طیاروں کی بمباری سے سیڈائریکٹر شہید اورکئی ڈاکٹر زخمی ہوئے، القصاصیب علاقے میں گھر پر بم پھینکا گیا جس میں تین بہنیں شہید ہوئیں۔فلسطینی حکام کا کہنا ہے کہ قبل از وقت پیدا ہونے والے4 بچے انتقال کرگئے، نوزائیدہ بچوں کو غزہ سے باہر لے جانے کا مؤثر طریقہ کار موجود نہیں ہے، الشفا کمپلیکس قابض اسرائیلی فوج کے لیے بیرک بن گئی ہے۔فلسطینی حکام کے مطابق بجلی بند ہونے سے 24 گھنٹے کے دوران اسپتال میں 24 مریض انتقال کرگئے۔اس کے علاوہ 17 ہزار لیٹر ایندھن لے کر ا?ئل ٹینکر مصر کے ساتھ رفاح کراسنگ کے ذریعے غزہ میں داخل ہو گئے، غزہ میں ایندھن ختم ہونے کے بعد مکمل مواصلاتی بلیک آؤٹ تھا۔القسام بریگیڈز نے یرغمالیوں کو الشفا اسپتال میں رکھنیکا اسرائیلی الزام مسترد کردیاواضح رہے کہ 7اکتوبرسے جاری اسرائیلی حملوں میں 5 ہزار بچے اور 3300 خواتین بھی شہید ہوچکی ہیں۔