تاثیر،۳ نومبر۲۰۲۳:- ایس -ایم- حسن
جموں،3 نومبر :جموں و کشمیر بی جے پی کے جنرل سکریٹری اشوک کول نے سابق وزیر ڈاکٹر دیویندر کمار منیال کے ساتھ جے ایم سی کے ڈپٹی میئر بلدیو سنگھ بلوریا کی کتاب ’اے ڈیولپمنٹ ساگا‘ کا اجرا کیا۔ بلوریا کی طرف سے مرتب کردہ کتاب کا رسم اجرا بی جے پی جموں کے ضلع صدر پرمود کپاہی، جموں جنوبی ضلع صدر ریکھا مہاجن اور بی جے پی کوآرڈینیٹر اور کونسلر جے ایم سی دنیش گپتا کی موجودگی میں کیا گیا۔ اس پروگرام میں بی جے پی قائدین، جے ایم سی کونسلر اور دیگر نے شرکت کی۔
اشوک کول نے جے ایم سی میں بی جے پی کے پانچ سالہ دور کی تعریف کرتے ہوئے کہا کہ پارٹی کے تمام کونسلروں نے اپنے اپنے وارڈوں میں بہترین کام کیا۔ بی جے پی کی نمائندگی کرنے والے ہر وارڈ کے نقطہ نظر میں واضح تبدیلی نظر آرہی ہے اور کئی سالوں میں پہلی بار لوگوں نے ٹھیک سے تعمیر شدہ گلیاں، نالیوں، ٹائلوں کا کام، ڈھکے ہوئے نالے، مسافر خانے، نئے پانی کے پائپ، اسٹریٹ لائٹس وغیرہ کو دیکھا ہے۔ کول نے کہا کہ روزانہ کی بنیاد پر ہر گھر سے کچرا اٹھانا، اسمارٹ سٹی پروجیکٹ، میئر اور ڈپٹی میئر کی سرپرستی میں جے ایم سی کے سنگ میلوں میں سے ایک ہے۔
کول نے تمام کونسلروں پر زور دیا کہ وہ اپنی ترقیاتی سرگرمیاں جاری رکھیں اور ساتھ ہی لوگوں کو نریندر مودی حکومت کی فلاحی اسکیموں کے بارے میں آگاہ کریں۔ ڈاکٹر دیویندر کمار منیال نے کہا کہ جے ایم سی میں بی جے پی کے 45 نمائندے تھے جو کہ بذات خود ایک ریکارڈ ہے اور پارٹی کے ان کونسلروں نے عوام کی توقعات پر پورا اترنے کے لیے اپنا وقت اور توانائی صرف کی ہے۔ انہوں نے مزید کہا کہ فلاح و بہبود اور ترقی کے تئیں ان کی وابستگی نے وارڈوں میں بڑے پیمانے پر تبدیلیاں لائی ہیں اور بی جے پی میں لوگوں کا اعتماد بڑھا ہے، جو پارٹی کی ترقی کے لیے ایک اچھی علامت ہے۔ بلوریہ نے بی جے پی کے سوشل میڈیا ڈپارٹمنٹ کے کنوینر انکت گپتا اور لکی چِب کو کتاب مرتب کرنے میں ان کے تعاون کی بھی تعریف کی۔