جی ایم سی اننت ناگ میں اعضاء کے عطیہ سے متعلق آگاہی پروگرام

جاوید احمد سرینگر

جموں و کشمیر اسٹیٹ آرگن اینڈ ٹشو ٹرانسپلانٹ آرگنائزیشن (SOTTO) نے جی ایم سی اننت ناگ کے فیکلٹی، طلباء اور پیرا میڈیکل اسٹاف کے لیے جی ایم سی کے جنرل سرجری کے شعبہ کے تعاون سے ایک آگاہی پروگرام کا انعقاد کیا۔ پرنسپل جی ایم سی اننت ناگ، پروفیسر ڈاکٹر انجم فرحانہ نے تقریب کی صدارت کی۔  سرجری کے شعبہ کے سربراہ پروفیسر ڈاکٹر ممتاز الدین نے SOTTO ٹیم کا خیرمقدم کیا۔ہیڈ آف یورولوجی جی ایم سی جموں کم نوڈل آفیسر سوٹو جموں و کشمیر ڈاکٹر الیاس شرما نے انسانی اعضاء کے عطیہ اور ٹرانسپلانٹیشن پر ایک لیکچر دیا اور اس سے جڑی مختلف خرافات کو واضح کیا۔جوائنٹ ڈائریکٹر، SOTTO J&K، ڈاکٹر سنجیو پوری نے وزارت صحت اور خاندانی بہبود کے تحت نیشنل آرگن ٹرانسپلانٹ پروگرام (NOTP) کے بارے میں ایک مختصر پریزنٹیشن دی۔ انہوں نے سامعین کو آیوشمان بھاو کے تحت آرگن ڈونیشن پلیج ڈرائیو میں حصہ لینے کی ترغیب دی۔عرفان احمد، ٹرانسپلانٹ کوآرڈینیٹر، SOTTO نے اعضاء کے عطیہ میں ہونے والے واقعات کی ترتیب کی وضاحت کی۔اس تقریب کو ایسوسی ایٹ پروفیسر جنرل سرجری جی ایم سی اننت ناگ ڈاکٹر خالد بشیر نے منظم کیا۔