TAASIR :– S M HASSAN –7 NOV
جے پور،7؍نومبر: راجستھان میں اسمبلی انتخابات سے پہلے کانگریس نے منگل کو گارنٹی یاترا شروع کی۔ وزیر اعلی اشوک گہلوت منگل کی صبح جے پور کے موتی ڈنگری گنیش مندر پہنچے اور کانگریس کی گارنٹی یاترا کو جھنڈی دکھائی۔ کانگریس کی یہ یاترا راجستھان کے تمام 7 ڈویڑنوں، 31 اضلاع اور 140 اسمبلی حلقوں سے گزرے گی اور 12 دنوں کی مدت میں 4400 کلومیٹر سے زیادہ کا فاصلہ طے کرے گی۔ اس سے پہلے، کانگریس کے رہنما اور راجستھان کے انچارج سکھجندر سنگھ رندھاوا نے منگل کو اس اعتماد کا اظہار کیا کہ پارٹی آئندہ اسمبلی انتخابات میں کامیابی کے بعد ایک بار پھر حکومت بنائے گی۔ انہوں نے کہا کہ ریاست میں پارٹی کی حکومت کے خلاف کوئی ‘اینٹی انکمبنسی’ لہر نہیں ہے۔رندھاوا نے یہاں میڈیا والوں کو بتایا کہ کانگریس حکومت کے خلاف کوئی ‘اینٹی انکبنسی لہر’ نہیں ہے اور لوگ کانگریس کے پروگراموں میں جوق در جوق آتے ہیں۔ ہم یقینی طور پر جیتیں گے اور اپنی حکومت بنائیں گے اور 2024 میں لوک سبھا سیٹیں جیتیں گے۔معلوم ہوا ہے کہ ریاست میں 200 سیٹوں کے لیے 25 نومبر کو ووٹنگ ہوگی جبکہ ووٹوں کی گنتی 3 اکتوبر کو ہوگی۔ پارٹی کے انتخابی منشور کے بارے میں انہوں نے کہا کہ ہم 500-700 وعدے نہیں کریں گے۔ ہم ایک چھوٹا سا منشور بنائیں گے اور اس پر عمل درآمد کریں گے۔ حکومت کی موجودہ ضمانت بھی اس کا ایک حصہ ہے۔اہم اپوزیشن بھارتیہ جنتا پارٹی (بی جے پی) کو نشانہ بناتے ہوئے، انہوں نے کہا، “اگر انہیں انتخابات جیتنے کا اتنا ہی یقین ہوتا، تو وہ ہر روز انفورسمنٹ ڈائریکٹوریٹ (ای ڈی) کو کیوں بھیجتے؟ بی جے پی کے پاس وزیر اعلیٰ کے عہدے کے لیے کوئی چہرہ نہیں ہے… ان کے پاس ای ڈی، انکم ٹیکس (آئی ٹی) اور سینٹرل بیورو آف انویسٹی گیشن (سی بی آئی) کا چہرہ ہے۔رندھاوا نے ای ڈی، آئی ٹی پر بھی حملہ کیا۔رندھاوا کا مزید کہنا تھا کہ اگر جنگ لڑنی ہے تو میدان میں موجود لیڈروں کو آنکھوں میں آنکھیں ڈال کر بات کرنی چاہیے۔ ایسا نہیں ہے کہ سی بی آئی، ای ڈی چور کے دروازے سے آئے۔ راجستھان ہیروز کی سرزمین ہے، وہ اسے برداشت نہیں کریں گے۔ رندھاوا اور چیف منسٹر اشوک گہلوت نے منگل کو یہاں کانگریس کی ’’گارنٹی یاترا‘‘ کا آغاز کیا۔