تاثیر،۵ نومبر۲۰۲۳:- ایس -ایم- حسن
بھوپال، 5 نومبر (:کھیل اور نوجوانوں امور کے مرکزی وزیر انوراگ ٹھاکر نے کہا کہ کانگریس پارٹی جھوٹی ہے۔ اس کی ضمانتیں بھی جھوٹی ہیں۔ کانگریس نے ہماچل میں سات ضمانتوں میں سے ایک کو بھی پورا نہیں کیا۔ بہنوں کے کھاتے میں نہ تو 1500 روپے ابھی تک جمع ہوئے اور نہ ہی دودھ کی قیمت 100 روپے فی لیٹر تک کی گئی۔ اب جبکہ مدھیہ پردیش میں انتخابات ہیں، کانگریس ایک نیا لباس پہن کر نئی ضمانتیں دے رہی ہے۔ کسانوں کے قرض معافی کی ضمانت پوری نہیں ہوئی، نوجوانوں کو روزگار نہیں دیا گیا۔ عوام سمجھدار ہے اور کانگریس کے جال میں نہیں ا?ئے گی۔
مرکزی وزیر ٹھاکر اتوار کو بھوپال میں بی جے پی کے ریاستی میڈیا سینٹر میں ایک پریس کانفرنس سے خطاب کر رہے تھے۔ انہوں نے کہا کہ کمل ناتھ حکومت نے اپنے 15 ماہ کے دور اقتدار میں ایک بھی گارنٹی پوری نہیں کی۔ راہل گاندھی نے مدھیہ پردیش آکر کہا تھا کہ تمام کسانوں کے قرض معاف کردیئے جائیں گے۔ 2 لاکھ روپے کے قرض معافی کی گارنٹی پوری نہیں ہوئی۔ بے روزگاری الاو?نس دینے کی گارنٹی بھی ناکام ہو گئی۔ یہاں تک کہ کانگریس نے ریاست میں کنیا دان اسکیم کے تحت 51 ہزار روپے دینے کا وعدہ پورا نہیں کیا۔
انہوں نے کہا کہ بی جے پی حکومت نے مدھیہ پردیش میں نوجوانوں کو روزگار فراہم کرنے کی سمت میں کئی معنی خیز قدم اٹھائے ہیں۔ نوجوانوں کو سیکھنے کے ساتھ ساتھ کمائی کی شکل میں مکھیا منتری سکھو کماو? یوجنا کا فائدہ مل رہا ہے۔ یہ بی جے پی حکومت کی سوچ کی عکاسی کرتا ہے کہ کس طرح نوجوانوں کو ترقی دے کر ریاست کو مسلسل ترقی یافتہ ریاست کی طرف لے جانا ہے۔ کانگریس کے دور میں مدھیہ پردیش ایک بیمارو ریاست تھی، لیکن اب بی جے پی کے دور حکومت میں بے مثال ریاست بن گئی ہے۔
مرکزی وزیر ٹھاکر نے کہا کہ وزیر اعظم نریندر مودی کو کورونا کے دور میں صرف ایک چیز کی فکر تھی کہ کوئی غریب بھوکا نہ سوئے۔ وزیر اعظم نے اب ا?نے والے پانچ سالوں میں مزید 80 کروڑ لوگوں کو مفت راشن فراہم کرنے کا اعلان کیا ہے۔
اجولا اسکیم ہو یا کسانوں کے بینک کھاتوں میں رقم کی براہ راست منتقلی، مدھیہ پردیش کے لوگوں کو بھی بڑے پیمانے پر اس کا فائدہ مل رہا ہے۔