تاثیر،۹ نومبر۲۰۲۳:- ایس -ایم- حسن
امپھال،9نومبر: نسلی تشدد سے نبردآزما منی پور میں گولیوں سے چھلنی دو لاشیں برا?مد ہوئی ہیں۔ مہلوکین میں ایک خاتون کی لاش بھی شامل ہے۔ یہ لاشیں مشرقی اور مغربی علاقوں میں ملی ہیں جنھیں دیکھنے سے پتہ چلتا ہے کہ مہلوکین کو ہاتھ باندھ کر گولی ماری گئی ہے۔ فی الحال پولیس پورے معاملے کی جانچ کر رہی ہے اور لاشوں کو پوسٹ مارٹم کے لیے بھیج دیا گیا ہے۔پولیس کے ذریعہ دی گئی جانکاری کے مطابق ایک شخص کی لاش دیکھ کر پتہ چلتا ہے کہ اس کی عمر تقریباً 40 سال ہے اور ہاتھوں کے ساتھ ساتھ ا?نکھوں میں پٹی بندھی ہوئی ہے، اس کے سر میں گولی ماری گئی ہے۔ یہ لاش منگل کی شب امپھال مشرق کے تیرین پوکپی علاقے سے برا?مد کی گئی۔ مقامی لوگوں نے یہ لاش دیکھی اور پھر پولیس کو خبر دی۔ خاتون کی لاش سے متعلق بتایا جا رہا ہے کہ وہ ان چار لوگوں میں سے ایک ہے جنھیں حال ہی میں امپھال مغرب کے کانگچپ علاقہ سے نامعلوم بندوق برداروں نے اغوا کیا تھا۔ پولیس نے اس معاملے میں ایف ا?ئی ا?ر درج کر جانچ شروع کر دی ہے۔اس درمیان تشدد متاثرہ منی پور کے بشنوپور اور چراچاندپور ضلع کی سرحد پر بسے ملنگٹ گاو?ں میں جمعرات صبح گولی باری ہونے کی خبر موصول ہو رہی ہے۔ اس میں کسی کے ہلاک ہونے کی خبر نہیں ہے، لیکن حالات کشیدہ معلوم ہو رہے ہیں۔ حفاظتی انتظامات مضبوط کر دیے گئے ہیں۔ حادثہ کے بعد دونوں طرف لوگ جمع ہونے شروع ہو گئے ہیں۔ جانکاری ملی ہے کہ مقامی لوگوں نے سیکورٹی فورسز کی ا?مد و رفت کو روکنے کے لیے این ایچ-2 کو رخنہ انداز کر دیا ہے۔ذرائع سے ملی اطلاع کے مطابق جمعرات صبح تقریباً 7 بجے تقریباً 100 مسلح بدمعاش، جن پر وی بی ا?ئی جی/مسلح میتئی بدمعاش ہونے کا اندیشہ ہے، نے عام علاقہ تیراکھونگ سانگبی (بشنوپور ضلع) میں جمع ہونا شروع کر دیا اور موالنگت گاو?ں کی طرف چھوٹے اسلحوں سے کچھ رائونڈ فائرنگ کی اور تین مورٹار شیل بھی داغے۔ ان میں سے ایک مورٹار شیل پھٹ گیا۔ واقعہ کے بعد دونوں طبقات (کوکی اور میتیئی) کے لوگ اپنے اپنے علاقوں میں جمع ہونا شروع ہو گئے ہیں۔