تاثیر،۲۳ نومبر۲۰۲۳:- ایس -ایم- حسن
نئی دہلی،23؍نومبر:ترنمول کی رکن اسمبلی مہوا موئترا رشوت ستانی کے اسکینڈل کے بعد اراکین اسمبلی کے لیے رہنما خطوط جاری کیے گئے ہیں۔ لوک سبھا پورٹل کا استعمال صرف ممبران پارلیمنٹ ہی کریں گے۔ لاگ ان کا اشتراک نہیں کیا جا سکتا۔ اس کے ساتھ رازداری برقرار رکھنے کو کہا گیا ہے۔ آپ کو بتاتے چلیں کہ پیسے لینے کے لیے پارلیمنٹ میں سوال پوچھنے کے الزامات میں گھری ٹی ایم سی مہوا موئترا نے اعتراف کیا ہے کہ اس نے لوک سبھا پورٹل کا لاگ ان اور پاس ورڈ درشن ہیرانندانی کے ساتھ شیئر کیا تھا جو ان کی طرف سے سوال پوچھتے تھے۔ اب اس کی تحقیقات جاری ہے، لیکن نئے سیشن کے لیے لوک سبھا میں رہنما خطوط جاری کیے گئے ہیں۔صرف ممبران پارلیمنٹ ہی لوک سبھا پورٹل کا استعمال کریں گے۔ ارکان پارلیمنٹ کو رازداری برقرار رکھنے کو کہا گیا ہے۔انہیں مشورہ دیا گیا ہے کہ وہ سوالات کے جوابات کو سوالیہ وقت تک شیئر نہ کریں۔ سی ایم ممتا بنرجی نے جمعرات کو کہا کہ مہوا موئترا کو لوک سبھا سے نکالنے کا منصوبہ بنایا جا رہا ہے۔ لیکن اگر ایسا ہوتا ہے تو یہ 2024 کے انتخابات سے پہلے مہوا کے لیے فائدہ مند ہوگا۔ ممتا بنرجی نے یہ باتیں کولکتہ میں ایک تقریب میں کہیں۔ تاہم اس تقریب کے دوران ممتا بنرجی نے مہوا موئترا کے رشوت لینے سے متعلق سوال پوچھے جانے پر کوئی تبصرہ نہیں کیا۔ آپ کو بتا دیں کہ کچھ دن پہلے رشوت لینے اور پارلیمنٹ میں سوال پوچھنے کے الزامات میں گھری ترنمول کانگریس (ٹی ایم سی) کی رکن اسمبلی مہوا موئترا کو ان کی پارٹی نے نئی ذمہ داری سونپی ہے۔ مغربی بنگال کی وزیر اعلیٰ اور ٹی ایم سی سپریمو ممتا بنرجی نے موئترا کو کرشن نگر (نادیہ شمالی) ضلع کا پارٹی صدر مقرر کیا ہے۔ایم سی ایم پی مہوا موئترا نے بھی اس نئی ذمہ داری کے لیے پارٹی سربراہ اور وزیر اعلیٰ ممتا بنرجی کا شکریہ ادا کیا تھا۔ مہوا موئترا نے سوشل میڈیا پلیٹ فارم پر پوسٹ کیا۔ تحقیقات مکمل کرنے کے بعد پارلیمنٹ کی اخلاقیات کمیٹی نے 10 نومبر کو مہوا کے خلاف رشوت لینے اور پارلیمنٹ میں سوال پوچھنے کے معاملے میں رپورٹ لوک سبھا اسپیکر اوم برلا کو بھیجی تھی۔ اب سپیکر فیصلہ کریں گے کہ اس معاملے میں مزید کیا کارروائی کی جائے۔بی جے پی کے رکن پارلیمنٹ نشی کانت دوبے نے 15 اکتوبر کو لوک سبھا اسپیکر اوم برلا کو ایک خط لکھا تھا۔ اس میں انہوں نے الزام لگایا تھا کہ مہوا نے پارلیمنٹ میں سوال پوچھنے کے لیے تاجر درشن ہیرانندانی سے پیسے اور تحائف لیے تھے۔ دوبے نے یہ الزامات مہوا کے سابق ساتھی اور وکیل جئے اننت دہرائی کی طرف سے لکھے گئے خط کی بنیاد پر لگائے تھے۔