تاثیر،۲۰ نومبر۲۰۲۳:- ایس -ایم- حسن
پٹنہ، 20 نومبر:وزیر اعلیٰ نتیش کمار نے پیر کے روز ایک انے مارگ میں اپنے خاندان کے ساتھ چھٹھ کا تہوار منایا۔ اس دوران انہوں نے چڑھتے ہوئے سورج کو ارگھیہ پیش کیا۔
وزیر اعلیٰ کی یہ تقریب پوری طرح خاندانی تھی۔ جس میں وزیر اعلیٰ نتیش کے بھائی بہنوں کے پورے خاندان نے شرکت کی۔ اس موقع پر وزیر اعلیٰ نتیش کمار نے ریاست کی ترقی کی خواہش کی۔ انہوں نے کہا کہ یہ نظم و ضبط کا تہوار ہے۔ میں ریاست کی ترقی، امن وامان اور خوشحالی کے لیے سورج سے دعا کیا ہوں۔ قابل ذکر ہے کہ ہفتہ کی شام چھٹھ ورتیوں نیسوریا کی پوجا کی اور انہیں ارگھیہ پیش کیا اور کھرناکا پرساد لیا۔ جس کے بعد 36 گھنٹے کا ورت شروع ہوا۔ پیر کے روز چڑھتے سورج کو ارگھیہ دینے کے بعد اب عقیدت مند کھانا اور پانی کا استعمال کریں گے۔ چھٹھ مہاپرو کے کامیاب انعقاد کے لیے حکومت اور انتظامیہ کی جانب سے بھرپور تیاریاں کی گئی تھیں۔ تمام چھٹھ گھاٹوں پر مجسٹریٹ تعینات تھے۔ حکومت کے محکمہ شہری ترقیات نے ریاست بھرمیں 4000 سے زیادہ چھٹھ گھاٹ تیار کیے ہیں۔ تاہم اس سے بڑی تعداد سوسائٹی نے تیار کی ہے۔