تاثیر،۱۱ نومبر۲۰۲۳:- ایس -ایم- حسن
پٹنہ، 11 نومبر، 2023: وزیراعلیٰ جناب نتیش کمار نے روشنی کے تہوار دیوالی کی ریاست اور ملک کے لوگوں کو مبارکباد پیش کی اور نیک خواہشات کا اظہار کیا ہے ۔
اپنے تہنیتی پیغام میں وزیر اعلیٰ نے کہا کہ روشنی کا تہوار دیوالی تاریکی پر روشنی ، جہالت پر علم اور برائی پر اچھائی کی فتح کی علامت ہے ۔یہ اندھیرے سے اجالے کا عہد اور روشنی کا عظیم تہوار ہے ۔وزیر اعلیٰ نے ریاست کے لوگوں سے اپیل کی ہے کہ وہ روشنی کے تہوار دیوالی کو باہمی ہم آہنگی ، خیر سگالی اورجو ش و خروش کے ساتھ منائیں۔