تاثیر،۴ نومبر۲۰۲۳:- ایس -ایم- حسن
اسلام آباد،04نومبر:پاکستان ایئر فورس ٹریننگ ایئر بیس میانوالی پر دہشت گردوں کا حملہ ناکام بنا دیا گیا۔پاک فوج کے شعبہ تعلقاتِ عامہ (آئی ایس پی آر) کے مطابق آپریشن کے دوران تمام 9 دہشت گرد مارے گئے، پی اے ایف کے فنکشنل آپریشنل اثاثوں میں سے کسی کو کوئی نقصان نہیں پہنچا اور ٹریننگ بیس میانوالی میں کلیئرنس آپریشن مکمل کر لیا گیا ہے۔ خود کش حملہ آوروں سمیت بھاری ہتھیاروں سے لیس 6دہشت گرد پنچاب کے میانوالی واقع پاکستانی فضائیہ کے اڈے میں گھس گئے ہیں۔ دونوں طرف سے زبردست فائرنگ ہورہی ہے اور اس کا ویڈیو بھی سامنے آیا ہے۔ جس میں ایئر بیس کے اندار آگ کی لپٹیں نظر آرہی ہیں۔پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے میانوالی ٹریننگ ائیربیس پر ہفتہ کی صبح حملے کی کوشش کی جس پر پاک فوج نے دہشت گردوں کو منہ توڑ جواب دیتے ہوئے حملہ ناکام بنا دیا ہے۔آئی ایس پی آر کا کہنا ہے کہ پاک فوج کی بروقت کارروائی کے نتیجے میں 3 دہشت گرد مارے گئے ہیں۔ گراؤنڈ کیے گئے تین طیاروں اور فیول باوزر کو نقصان پہنچا جبکہ جوانوں نے اثاثوں کی حفاظت کو یقینی بنایا۔فوج نے اپنے بیان میں کہا ہے کہ ’علاقے کو کلیئر کرنے کے لیے ایک مفصل مشترکہ اور نتیجہ خیز آپریشن جاری ہے۔تحریک جہاد نامی تنظیم نے اس حملے کی ذمہ داری لی ہے۔