تاثیر،۷ نومبر۲۰۲۳:- ایس -ایم- حسن
فلم ‘ڈان 3′ کے اعلان کے بعد ہر کوئی بہت پرجوش تھا لیکن مداحوں کا یہ تجسس ایک ہی لمحے میں غصے میں بدل گیا جب یہ واضح ہوگیا کہ مرکزی کردار کے لیے رنویر سنگھ کو لیا گیا ہے۔ ناظرین اس کردار کے لیے رنویر کے انتخاب سے بالکل بھی مطمئن نہیں ہیں اور انھوں نے اس پر تنقید کی ہے۔ اب ایک نئی اپ ڈیٹ سامنے آ رہی ہے کہ پرینکا چوپڑا اس فلم سے منسلک ہوں گی۔
میڈیا رپورٹ کے مطابق فلم جی لے زرا’ کی کاسٹ ابھی فائنل نہیں ہوئی، اس لیے فرحان اختر سب سے پہلے ڈان تھری’ پر فوکس کریں گے۔ فرحان جلد ہی پریانکا چوپڑا اور رنویر سنگھ کے ساتھ ’
ڈان-3′ کی شوٹنگ شروع کریں گے۔ پرینکا نے حال ہی میں فرحان اختر سے ملاقات کی اور ‘ ڈان-3′ کے بارے میں بات کی۔پرینکا کو ڈان کے پچھلے دونوں ورڑن میں روما کے کردار میں دیکھا گیا تھا۔ اس سے پہلے کریتی سینن اور کیارا اڈوانی کو بھی ڈان-3’ کے لیے سمجھا گیا تھا، لیکن جب ان دونوں نے اس پیشکش کو ٹھکرا دیا تو فرحان نے بالآخر پرینکا کو لینے کا فیصلہ کیا۔ اگرچہ، ابھی تک کوئی باضابطہ اعلان نہیں کیا گیا ہے، لیکن یہ یقینی ہے کہ پرینکا اس فلم میں نظر آئیں گی۔پرینکا چوپڑا اس سے قبل رنویر سنگھ کے ساتھ غنڈے، باجی راؤ مستانی اور دل دھڑکنے دو میں کام کر چکی ہیں۔ دونوں کے کام کی بات کریں تو رنویر سنگھ اس وقت ‘سنگھم اگین’ کی شوٹنگ میں مصروف ہیں۔ پرینکا چوپڑا اپنے کچھ بین الاقوامی پروجیکٹ مکمل کر سکتی ہیں اور ‘ڈان-3′ کے لیے وقت نکال سکتی ہیں۔ پرینکا سیٹاڈیل۔2’ میں بھی نظر آئیں گی۔