تاثیر،۲۷ نومبر۲۰۲۳:- ایس -ایم- حسن
نئی دہلی، 27 نومبر: آل راؤنڈر ہاردک پانڈیا کے گجرات ٹائٹنز (جی ٹی) سے ممبئی انڈینز میں منتقل ہونے کے بعد، جی ٹی نے اوپننگ بلے باز شبھمن گل کو اپنا کپتان مقرر کیا ہے۔
سال 2022 میں جی ٹی کے پہلے سیزن میں، ٹیم نے ہاردک کی کپتانی میں باوقار ٹرافی جیتی تھی، جبکہ وہ اس سال کے شروع میں اپنے دوسرے سیزن میں رنر اپ تھیں۔
گجرات ٹائٹنز کے ایک بیان میں کہا گیا ہے کہ “گِل ایک ایسی ٹیم کی قیادت کریں گے جس میں تجربہ اور نوجوانوں کے جوش و جذبے کا انوکھا امتزاج ہو، جو گجرات ٹائٹنز کی پہچان رہی ہے۔”
گل نے 33 اننگ میں 47.34 کی اوسط سے 1373 رن بنائے ہیں جس میں تین سنچریاں اور آٹھ نصف سنچریاں شامل ہیں۔ پچھلا سیزن اوپننگ بلے باز کے لیے یادگار رہا کیونکہ اس نے 17 میچوں میں 59.33 کی اوسط سے تین سنچریوں اور چار نصف سنچریوں کی مدد سے 890 رن بنائے اور اورنج کیپ بھی جیتی۔
پچھلے سیزن میں، گِل نے ممبئی انڈینز کے خلاف 60 گیندوں میں 129 رن بنائے تھے، جو آئی پی ایل کے پلے آف میں کسی بلے باز کی طرف سے سب سے زیادہ رن تھے۔
کپتان مقرر ہونے پر، گل نے کہا، “مجھے گجرات ٹائٹنز کی کپتانی سنبھالنے پر خوشی اور فخر ہے اور اتنی اچھی ٹیم کی قیادت کرنے کے لیے مجھ پر اعتماد کرنے پر فرنچائز کا شکریہ۔ ہمارے پاس دو غیر معمولی سیزن رہے ہیں اور میں کرکٹ کے اپنے دلچسپ برانڈ کے ساتھ ٹیم کی قیادت کرنے کا منتظر ہوں۔