تاثیر،۲۸ دسمبر۲۰۲۳:- ایس -ایم- حسن
سنگھواڑہ دربھنگہ (محمد مصطفی)کیوٹی بلاک حلقہ کے سرگرم لیڈر و سابق ضلع پریشد سمیع اللہ عرف شمیم نے آتشزدگی کے شکار ہوئے نو متاثرہ خاندان کے درمیان کمبل راشن کٹ کے ساتھ پانچ سو روپے کی تقسیم کی ہے اس بابت سمیع اللہ عرف شمیم نے بتایا کہ کچھ دن قبل کیوٹی بلاک حلقہ کے نیا گاؤں میں نو افراد کے مکانات جل کر راکھ ہوگئے تھے خوردنی اشیاء سمیت کپڑا، و دیگر سامان جل کر خاکستر ہو گیا تھا جسکو لیکر ہم نے مقامی لوگوں کے تعاون سے خدمت خلق کی بنیاد پر متاثرہ خاندان کے درمیان ضروری اشیاء سمیت مالی امداد کی ہے وہیں آتشزدگی کا شکار ہوئے متاثرہ خاندان کے پھولو دیوی ،اجے کمار یادو ،پرمیشور یادو ،گڑیا دیوی ،رنجیت یادو رام بھجن یادو ،سیا رام یادو وغیرہ کے درمیان راحتی اشیاء تقسیم کی گئی جس سے متاثرین کے چہرے پر مسکراہٹ دیکھی گئی سابق ضلع پریشد سمیع اللہ عرف شمیم نے بتایا کہ متاثرہ خاندان کی امداد کے لئے ہم لوگوں نے سرکار سے مطالبہ کیا ہے کہ حکومت جلد سے جلد متاثرین کی امداد کرے موقع پر پنچایت سمیتی رکن رمیش کمار ، سابق مکھیا لکھی چندر یادو ،سابق پیکس صدر سنجے مشر ،رمن کمار مشر ، پپو پاسوان، شيوم کمار یادو ،اشوک یادو ،اسلم خان ،محمد ہاشم شیخ و دیگر افراد موجود تھے