تاثیر،۱۰ دسمبر۲۰۲۳:- ایس -ایم- حسن
رنبیر کپور کی فلم ‘اینیمل’ نے باکس آفس پر دھوم مچا دی ہے۔ فلم دیکھنے کے لیے شائقین سینما گھروں میں پہنچ رہے ہیں۔ فلم کو شائقین کی جانب سے مثبت ردعمل مل رہا ہے۔ فلم نے نو دنوں میں ملک بھر میں 398.53 کروڑ روپے اور دنیا بھر میں 600 کروڑ روپے کمائے ہیں۔
فلم نے پہلے دن 63 کروڑ روپے کی کمائی کی تھی۔ نو دن گزرنے کے بعد بھی یہ فلم باکس آفس پر اپنی گرفت برقرار رکھنے میں کامیاب رہی ہے اور اس نے زبردست کمائی کی ہے۔
انڈسٹری ٹریکر “ساکنلک” کی رپورٹ کے مطابق “اینیمل” نے نویں دن تقریباً 37 کروڑ روپے جمع کر لیے ہیں۔ اس فلم کا کل کلیکشن 398.53 کروڑ ہو گیا ہے۔ اس کے ساتھ ہی فلم اب 400 کروڑ کلب میں شامل ہونے سے صرف 1.5 کروڑ روپے دور ہے۔
’اینیمل‘ کے حوالے سے ناظرین میں زبردست کریز ہے۔ شاہ رخ خان کی دونوں فلمیں ‘جوان’ اور ‘پٹھان’ نے مل کر 2200 کروڑ روپے کا بزنس کیا۔ ’’اینیمل‘‘ کے لیے اتنی کمائی ممکن نہیں لیکن ’’اینیمل‘‘ ان میں سے کسی ایک فلم کا ریکارڈ ضرور توڑ سکتی ہے۔ فلم ’’اینیمل‘‘ میں رنبیر کے ساتھ رشمیکا مندانا، انیل کپور، بوبی دیول، شکتی کپور، ترپتی ڈمری بھی اہم کرداروں میں ہیں۔