تاثیر،۳ دسمبر۲۰۲۳:- ایس -ایم- حسن
رانچی، 3 دسمبر: ریاست کی یونیورسٹیوں میں اساتذہ اور عملے کی شدید کمی ہے۔ ان میں اسسٹنٹ پروفیسر کی تقرری کے لیے مہم چلائی جا رہی ہے۔ جھارکھنڈ پبلک سروس کمیشن 2404 اسسٹنٹ پروفیسروں کی تقرری کی تیاری کر رہا ہے۔ تاہم راج بھون نے اس پر اعتراض ظاہر کیا ہے۔ حال ہی میں جے پی ایس سی کے ذریعے اسسٹنٹ پروفیسروں کی تقرری کے لیے مہم چلائی گئی تھی، اس کے باوجود اب بھی کئی شعبہ جات میں پروفیسرز سے اسسٹنٹ پروفیسرز کی بہت زیادہ کمی ہے۔
رانچی یونیورسٹی میں منظور شدہ 1,032 عہدوں میں سے اساتذہ کی 688 آسامیاں خالی ہیں۔ ایسی ہی حالت ہزاری باغ ونوبا بھاوے یونیورسٹی کی ہے، جہاں 597 منظور شدہ آسامیوں میں سے 326 خالی ہیں۔ کولہن یونیورسٹی میں 994 منظور شدہ آسامیاں ہیں جن میں سے تقریباً 675 خالی ہیں۔ اسی طرح تمام یونیور سٹیوں میں نچلے درجے کے اہلکاروں کی بھی شدید کمی ہے جس کی وجہ سے تعلیمی کام متاثر ہو رہا ہے۔