تاثیر،۲۸ دسمبر۲۰۲۳:- ایس -ایم- حسن
لاہور، 28دسمبر:دورہ نیوزی لینڈ کے لیے ٹی ٹوینٹی کھلاڑیوں کا کیمپ آج سے لاہور میں شروع ہوگا۔ پاکستان کرکٹ بورڈ (پی سی بی) کا کہنا ہے کہ تربیتی کیمپ 3 جنوری تک جاری رہے گا۔کیمپ میں عباس آفریدی، اعظم خان، فخر زمان، حسیب اللہ، افتخار احمد اور صاحبزادہ فرحان شریک ہوں گے۔پی سی بی کے مطابق کیمپ کی نگرانی یاسر عرفات کریں گے۔پی سی بی کا کہنا ہے کہ حارث رؤف، اسامہ میر اور زمان خان آسٹریلیا میں ہی قیام کریں گے۔ بگ بیش کھیلنے والے تینوں پلیئرز آسٹریلیا سے نیوزی لینڈ روانہ ہوں گے۔پی سی بی نے کیمپ میں 9 دیگر پلیئرز کو بھی مدعو کیا ہے جن میں احمد شہزاد، عارف یعقوب، کامران غلام، عامر خان شامل ہیں۔ محمد عمران، محمد حارث، عمیر بن یوسف، ساجد علی اور شہاب خان کو بھی کیمپ کیلئے مدعو کیا گیا ہے۔ پی سی بی کا کہنا ہے کہ اضافی پلیئرز یکم جنوری تک کیمپ میں شریک رہیں گے۔ چار روز کیمپ میں شرکت کے بعد پلیئرز پریذیڈنٹ ٹرافی کیلیے ریلیز کردیے جائیں گے۔