سیف سنیچر کے تحت گولف فیلڈ میں مباحثے کا انعقاد

سمستی پور:30/دسمبر(محمد خورشید عالم) ‘سیف سنیچر’ کے تحت آج پرنسپل شاہ ظفر امام کی صدارت میں گولف فیلڈ ریلوے کالونی ہائر سیکنڈری اسکول سمستی پور کے آڈیٹوریم میں ‘صفائی’ کے موضوع پر ایک مباحثے کا انعقاد کیا گیا۔ پروگرام میں اسکول کے اساتذہ اروند کمار، ببیتا رانی اور ظہور الاسلام کے علاوہ طالبات پلک کماری، انو پریا، جیا بھارتی، پرتیبھا کماری، مہیش کانت چودھری، بھارتی کماری، سیما کماری اور ہرشیت کمار نے بھی اپنے خیالات کا اظہار کیا۔ پروگرام کی نظامت نوڈل ٹیچر یشونت کمار نے کی۔ تمام مقررین نے اس بات پر زور دیا کہ نہ صرف صاف جسم کے ذریعے بلکہ صاف ذہن کے ذریعے بھی ہم اپنی زندگی میں بہتر کام کر سکتے ہیں۔ انہوں نے کہا کہ صفائی نہ صرف ذاتی بلکہ سماجی ذمہ داری بھی ہے۔اپنے صدارتی خطاب میں اسکول کے پرنسپل شاہ ظفر امام نے کہا کہ صفائی کو اپنا کر ہی ہم اپنی ذاتی، خاندانی اور معاشرتی زندگی کو بہتر بنا سکتے ہیں۔ تب ہی ہم اپنے ملک، اپنی زمین اور اس دنیا کو بہتر اور خوبصورت بنانے میں اپنا حصہ ڈال سکتے ہیں۔ اس موقع پر اسکول کے اساتذہ بالمیکی کمار، پون کمار بھگت، پوجا شرما، پوجا کماری، دیپک کمار رجک، سنیل کمار اور حمید الرحمن کے علاوہ کئی ڈیپوٹیشن اساتذہ اور طلباء کی کثیر تعداد اورینٹیشن پروگرام میں موجود تھے۔