تاثیر،۵ دسمبر۲۰۲۳:- ایس -ایم- حسن
نئی دہلی ، 5دسمبر: ورلڈ کپ کے فائنل میچ میں آسٹریلیا کی جیت کے بعد محمد کیف کا ایک بیان کافی وائرل ہو رہا ہے۔ اس سابق کرکٹر نے آسٹریلیا کے عالمی چمپئن بننے کے بعد کہا تھا کہ میں کبھی یقین نہیں کروں گا کہ بہترین ٹیم نے ورلڈ کپ جیتا ہے، کیونکہ کاغذ پر انڈیا بہترین ٹیم تھی۔محمد کیف کے اس بیان پر آسٹریلوی کرکٹرز نے ردعمل کا اظہار کیا۔ اب کیف کی ایک 7 سال پرانی پوسٹ سوشل میڈیا پر وائرل ہو رہی ہے، جس میں کیف نے کچھ ایسا ہی کہا تھا۔دراصل اس ورلڈ کپ میں ہندوستان نے شاندار کارکردگی کا مظاہرہ کیا تھا۔ہندوستانی ٹیم تمام 10 میچ جیت کر فائنل میں پہنچی لیکن وہاں اسے آسٹریلیا کے ہاتھوں شکست کا منہ دیکھنا پڑا۔ آسٹریلیا نے فائنل میچ میں بھارت کو 6 وکٹوں سے شکست دے کر چھٹی بار ورلڈ کپ جیت لیا۔ اس کے بعد سابق ہندوستانی کرکٹر اور بہترین فیلڈرز میں سے ایک محمد کیف نے اسٹار اسپورٹس پر کہا تھا کہ میں کبھی یقین نہیں کرسکتا کہ بہترین ٹیم نے ورلڈ کپ جیتا ہے۔ہندوستانی ٹیم کاغذ پر بہترین ٹیم ہے، آسٹریلیا کو مبارکباد۔ جیت کے لیے، لیکن میں یہ ماننے کو تیار نہیں کہ بہترین ٹیم ہی ورلڈ کپ جیتتی ہے۔آج کا میچ ہارنے کے بعد بھی یہ ہندوستانی ٹیم اسی آسٹریلیا کی ٹیم کیخلاف کھیل کر کئی بار جیت سکتی ہے۔آج ایک دن بہت برا تھا، اور ایسی چیزیں ہوجاتی ہیں۔محمدکیف کے بیان پر ردعمل دیتے ہوئے ڈیوڈ وارنر نے کہا تھا کہ کاغذ پر کیا ہے، اس سے کوئی فرق نہیں پڑتا، جب پرفارم کرنے کی بات آتی ہے تو آپ کو پرفارم کرنا پڑتا ہے، اسی لیے اسے فائنل کہا جاتا ہے۔ وہ دن اہمیت رکھتے ہیں، اور یہ کسی کے حق میں بھی جا سکتا ہے۔، ہم 2027 کا انتظار کریں گے۔ وارنر کے علاوہ لوگوں نے کیف کے اس بیان پر بھی تنقید کی اور کچھ لوگوں کو کیف کی 7 پرانی پوسٹس ملیں جو اب وائرل ہو رہی ہیں۔2016 کے T20 ورلڈ کپ کے دوران جنوبی افریقہ کی ٹیم سپر 10 مرحلے سے باہر ہو گئی تھی، حالانکہ ان کی ٹیم بہت مضبوط تھی۔ اس وقت کیف نے ٹوئٹر پر ایک پوسٹ کیا تھا اور کہا تھا کہ میں اپنی پسندیدہ ٹیموں میں سے ایک جنوبی افریقہ کے ورلڈ کپ سے جلد باہر ہونے سے مایوس ہوں۔ اس سے کوئی فرق نہیں پڑتا کہ آپ کاغذ پر کتنی مضبوط ٹیم ہیں، آپ کے میچ والے دن پرفارم کرنا ضروری ہے،تاہم آسٹریلیا کیخلاف ٹی 20 سیریز میں ہندوستان کی 4-1 سے جیت کے بعد بھی کیف نے ایک پوسٹ کی ہے۔ اس میں انہوں نے لکھا ہے،بہتر ٹیلنٹ ہے، بہتر مہارت ہے۔ اس بار میدان کے ساتھ ساتھ کاغذ پر بھی ایک بہتر ٹیم تھی، جس نے سیریز 4-1 سے جیت لی۔