تاثیر،۵ دسمبر۲۰۲۳:- ایس -ایم- حسن
پٹنہ، 5 دسمبر:وزیر اعلیٰ نتیش کمار کی صدارت میں منگل کے روز کابینہ کی میٹنگ ہوئی۔ چیف سکریٹریٹ کے کیبنٹ ہال میں ہونے والے اس اجلاس میں 23 ایجنڈوں کی منظوری دی گئی۔ بہار سکریٹریٹ سروس رول 2023 اور بہار ضلع پریشد رول 2023 کو منظوری دی گئی ہے۔ اس کے ساتھ ہی کابینہ نے ای بس سروس اسکیم کے تحت بہار کے 6 بڑے شہروں پٹنہ ، مظفر پور ، گیا ، بھاگلپور ، دربھنگہ اور پورنیہ کے لیے 400 الیکٹرک بسوں کا انتظام کرنے کے لیے پبلک ٹرانسپورٹ اسکیم کو ہری جھنڈی دے دی ہے۔
پٹنہ ہائی کورٹ کے قیام میں ا?ئی ٹی کیڈر میں مختلف زمروں کی 81 ا?سامیاں تخلیق کرنے کی منظوری دی گئی ہے۔ اس کے ساتھ ہی راج وردھن گپتا کو فی الحال سرکل افسر ہلسا نالندہ کو بہار گورنمنٹ سروس رول 2005 کے تحت سرکاری ملازمت سے برخاست کر دیا گیا ہے۔ بہار ریاستی اقلیتی رہائشی اسکول اسکیم کے تحت 13 رہائشی اسکولوں کے لیے اساتذہ کی 481 نئی ا?سامیاں تخلیق کرنے کی منظوری دی گئی ہے۔کابینہ نے دشرتھ مانجھی انسٹی ٹیوٹ ا?ف لیبر اینڈ پلاننگ اسٹڈیز میں مختلف زمروں کی کل 33 ا?سامیاں تخلیق کرنے کی منظوری دے دی ہے۔ اس کے علاوہ بہار ڈینٹل سروس رول 2023 کو بھی منظوری دی گئی ہے۔ اس کے ساتھ ہی خود انحصار بہار سات نشچے دو کے تحت33 سرکاری پولی ٹیکنیک اداروں میں سینٹر ا?ف ایکسیلنس کے قیام کے منصوبے کے لیے ا?ئی ا?ئی ٹی پٹنہ نے 122 کروڑ 86 لاکھ روپے کی انتظامی منظوری دی ہے۔
اس کے ساتھ ہی بہار میں کبڈی کے کھیل کو فروغ دینے اور قومی اور بین الاقوامی سطح پر بہار کی برانڈنگ کے لیے پرو کبڈی لیگ کی پٹنہ پائریٹس ٹیم کو بہار فنانس رولز کے تحت بہار اسپورٹس اتھارٹی کے ذریعے سپانسر کرنے کی منظوری مل گئی ہے۔ریاستی حکومت کے تمام محکموں بورڈ، کارپوریشنوں اور دیگر دفاتر کی ملکیت میں لازمی اسکریپنگ کے لیے 15 سال سے زیادہ پرانی تمام سرکاری گاڑیوں کو رجسٹرڈ سکریپنگ سہولیات کے ذریعے سکریپنگ کے عمل کے لیے منظوری دے دی گئی ہے۔گزشتہ ایک ہفتے سے وزیر اعلیٰ نتیش کمار خرابی صحت کی وجہ سے کسی بھی پروگرام میں شرکت نہیں کر رہے تھے۔ ان کے تمام پروگرام منسوخ کر دیے گئے۔ 30 نومبر کو وزیر اعلیٰ نے آبائی ضلع راجگیر میں میلے میں شرکت کرنی تھی لیکن وہ نہیں گئے۔ وزیر انچارج وجے کمار چودھری کو افتتاح کے لئے بھیجا گیا۔ جنتا دربار کا خط جاری ہونے کے بعد بھی اسے منسوخ کر دیا گیاتھا۔