تاثیر،۱۴ دسمبر۲۰۲۳:- ایس -ایم- حسن
اسلام آباد،14دسمبر:پاکستان میں آبادی میں اضافہ روکنے کیلئے ہنگامی بنیادوں پرپالیسی بنانیکی تجویز دی گئی ہے۔یو این پاپولیشن فنڈاورپائیڈکے اشتراک سے رپورٹ جاری کی گئی ہے جس میں پاکستان میں آبادی میں اضافہ روکنیکیلئے ہنگامی بنیادوں پرپالیسی بنانیکی تجویز دی گئی ہے۔رپورٹ میں کہا گیا ہیکہ بچوں کی کم پیدائش کیلئے ملک میں بڑے پیمانے پرپروگرام شروع کیا جائے، بچوں کی پیدائش میں کمی کی حوصلہ افزائی کی جائے، آبادی میں اضافہ روکنے کیلئے فیملی پلاننگ کی خدمات فراہم کی جائیں۔رپورٹ میں تجویز دی گئی ہیکہ بچوں کی پیدائش میں کمی اور وقفے کیلئے فیملی پلاننگ کی خدمات دی جائیں، جنسی اور تولیدی صحت بہترکرنے کیلئے اقدامات کیے جائیں۔رپورٹ میں کہا گیا ہیکہ کسی بھی صوبے میں بچوں کی پیدائش میں کمی کا رحجان نہیں دیکھا گیا۔رپورٹ میں سفارش کی گئی ہیکہ صحت اور تعلیم کا بجٹ بڑھایا جائے، مفید ملازمتوں کے مواقع پیدا کرنے کیلئے اقدامات کیے جائیں۔