تاثیر،۲ دسمبر۲۰۲۳:- ایس -ایم- حسن
پٹنہ، 2 دسمبر:بہار کی راجدھانی پٹنہ میں صبح آگ لگ گئی۔ آتشزدگی کا یہ واقعہ گاندھی میدان سے متصل ادیوگ بھون میں پیش آیا حالانکہ فائر بریگیڈ کی بروقت کارروائی سے آگ پر جلد ہی قابو پالیا گیا۔ اس میں کسی طرح کی جانی یا مالی نقصان نہیں ہوا ہے۔
بتایا جاتا ہے کہ ادیوگ بھون میں صبح تقریباً 4 سے 5 بجے اچانک آگ لگ گئی۔ مقامی لوگوں نے دھواں نکلتا ہوا دیکھا تو فائر بریگیڈ کو اطلاع دی۔ اس کے بعد فائر بریگیڈ کی 6 گاڑیاں ایک ایک کرکے موقع پر پہنچیں اور آگ پر قابو پالیا گیا۔ حالانکہ فائر بریگیڈ کے عملے کو آگ بجھانے میں کافی مشقت کرنا پڑی۔
چونکہ یہ آگ کثیر المنزلہ عمارت کی تیسری منزل پر لگی، اس لیے فائر بریگیڈ کے عملے کو وہاں پہنچنے میں دشواری کا سامنا کرنا پڑا۔ پھر سیڑھی کا انتظام کیا گیا۔ اس کے بعد فائر بریگیڈ عملے نے شیشہ توڑ کر اندر داخل ہوکر آگ پر مکمل قابو پالیا۔ جہاں آگ لگی وہاں صنعت دفتر بھی ہے۔ حالانکہ اس میں کوئی نقصان نہیں ہوا ہے۔
اگر فائر بریگیڈ بروقت موقع پر نہ پہنچتی تو بڑا حادثہ رونما ہوسکتا تھا۔ قریب ہی شو روم اور سنیما ہال ہیں۔ آگ پھیلنے کی بڑا حادثہ رونما ہوسکتا تھا۔ آگ لگنے کی وجہ یو پی ایس کی بیٹری بتائی جارہی ہے۔