تاثیر،۱۱ جنوری۲۰۲۴:- ایس -ایم- حسن
کانپور، 11 جنوری : آئی آئی ٹی کانپور کے ایک ایم ٹیک طالب علم کی لاش بدھ کی رات پھندے سے لٹکی ہوئی ملی۔ اطلاع پر پہنچی پولیس فارینسک ٹیم نے موت کی اصل وجہ جاننے کے لیے تحقیقات شروع کر دی ہیں۔ یہ اطلاع آئی آئی ٹی کانپور کی میڈیا انچارج بھویشا اپادھیائے نے جمعرات کو دی۔
انہوں نے بتایا کہ انڈین انسٹی ٹیوٹ آف ٹیکنالوجی کانپور کے ایرو اسپیس انجینئرنگ ڈپارٹمنٹ کے طالب علم وکاس کمار مینا کی 10 جنوری کی رات موت ہوگئی۔ تعلیمی لحاظ سے ہونہار طالب علم وکاس نے 2021 میں ایم ٹیک ڈگری پروگرام میں داخلہ لیا تھا۔ آئی آئی ٹی کانپور نے طالب علم کی بے وقت موت پر گہرے دکھ کا اظہار کیا ہے۔
اس سلسلے میں کلیان پور پولیس اسٹیشن اور فارنسک ٹیم نے جائے وقوعہ کا معائنہ کیا۔ انسٹی ٹیوٹ موت کی ممکنہ وجہ جاننے کے لیے پولیس کی مزید تفتیش کا انتظار کر رہا ہے۔
کلیان پور پولیس اسٹیشن نے بتایا کہ متوفی طالب علم سے کوئی خودکشی نوٹ نہیں ملا ہے۔ معلوم ہوا ہے کہ وہ کسی مضمون میں ناکامی کی وجہ سے ڈپریشن کا شکار تھا جس کی وجہ سے اس نے پھانسی لگا کر خودکشی کرلی۔ اہل خانہ کے آنے کے بعد مزید قانونی کارروائی کی جائے گی۔