تاثیر،۶ جنوری۲۰۲۴:- ایس -ایم- حسن
’اینیمل‘ فیم اداکار کی ایک ویڈیو سوشل میڈیا پر کافی مقبول ہو رہی ہے۔ اس ویڈیو میں اداکار ایک لڑکی کو بچاتے ہوئے نظر آ رہے ہیں جو خودکشی کرنے والی تھی۔ حالانکہ یہ ویڈیو چار سال پہلے کا ہے لیکن اس کے وائرل ہونے کے بعد ہر کوئی منجوت سنگھ کی خوب تعریف کر رہا ہے۔منجوت سنگھ کی 2019 کی ایک ویڈیو سوشل میڈیا پر وائرل ہوئی ہے۔ ویڈیو میں وہ ایک لڑکی کو بچاتے ہوئے نظر آ رہے ہیں۔ لڑکی کالج کی عمارت سے چھلانگ لگا کر خودکشی کرنے کی کوشش کر رہی تھی۔ یہ ویڈیو 2019 کا ہے، جب منجوت شاردا یونیورسٹی، گریٹر نوئیڈا سے بی ٹیک کر رہا تھا۔ویڈیو شیئر کرتے ہوئے منجوت نے لکھا، ’’یہ 2019 میں ہوا تھا۔ ایک لڑکی خودکشی کر رہی تھی اور خدا کے فضل سے میں اسے بچانے میں کامیاب رہا، میں صحیح وقت پر صحیح جگہ پر تھا۔ ہم سب کو زندگی میں بہت سے مسائل اور مشکلات کا سامنا کرنا پڑتا ہے لیکن بعض اوقات ان کا سامنا کرنے اور ان سے گزرنے کے لیے ہمت کی ضرورت ہوتی ہے۔”منجوت کے اپنے اکاؤنٹ سے اس ویڈیو کو شیئر کرنے کے بعد ان کے مداح اور نیٹیزین ان کی تعریف کر رہے ہیں۔ “آپ نے بہت اچھا کام کیا”، “آپ پر بہت فخر ہے”، “آپ حقیقی زندگی کے ہیرو ہیں”، آپ نے وقت پر وہاں پہنچ کر لڑکی کی جان بچائی۔” اس کی ویڈیو پر مداحوں اور ان کے کالج کے طلبہ نے تبصرے کیے ہیں۔