تاثیر،۳ جنوری۲۰۲۴:- ایس -ایم- حسن
ڈھاکہ، 03 جنوری : بنگلہ دیش میں سات جنوری کو ہونے والے پارلیمانی انتخابات کے پیش نظر سیکیورٹی کے بے مثال انتظامات کیے گئے ہیں۔ آج صبح ملک بھر میں مسلح افواج کو تعینات کر دیا گیا۔
ڈھاکہ ٹریبیون نے اپنی رپورٹ میں انٹر سروسز پبلک ریلیشنز (آئی ایس پی آر) ڈائریکٹوریٹ کے حوالے سے بتایا کہ مسلح افواج کو بدھ سے 10 جنوری تک تعینات کیا جائے گا۔ آج صبح فوج کے دستے نے ڈھاکہ کے علاقے بنانی میں گشت کیا۔ بنگلہ دیش کی فوج کے اہلکاروں کو 62 اضلاع میں اور بارڈر گارڈ بنگلہ دیش (بی جی بی) کے اہلکاروں کو 45 ذیلی اضلاع میں سیکورٹی سنبھالنے کی ذمہ داری دی گئی ہے۔ بنگلہ دیشی بحریہ کے اہلکار بھولا اور برگونہ سمیت 19 ساحلی ذیلی اضلاع میں نگرانی کریں گے۔ بنگلہ دیشی فضائیہ پہاڑی، دور دراز علاقوں میں پولنگ اسٹیشنوں پر ہیلی کاپٹر کی مدد فراہم کرے گی۔