تاثیر،۲۴ جنوری۲۰۲۴:- ایس -ایم- حسن
جنوری24، پٹنہ۔۔۔۔۔پرو کبڈی لیگ کا 10 واں سیزن شروع ہو گیا ہے، پٹنہ پائریٹس اس میں کئی دلچسپ میچوں کا سامنا کرنے کے لیے تیار ہیں۔ بہت سی ٹیموں کے درمیان یہ ہائی وولٹیج مقابلہ جلد ہی دیکھنے کو ملے گا۔اس کے لیے پٹنہ پائریٹس کی ٹیم پٹنہ پہنچ چکی ہے۔ ٹیم 24 جنوری کو اپنے ہیلتھ پارٹنر جئے پربھا میدانتا سپر اسپیشلٹی اسپتال پہنچی۔ جئے پربھا میدانتا سپر اسپیشلٹی اسپتال کے میڈیکل ڈائریکٹر ڈاکٹر روی شنکر سنگھ نے ٹیم کا خیرمقدم کیا۔انہوں نے اچھی کارکردگی کے لیے ٹیم کو نیک خواہشات پیش کی۔ اس کے بعد آرتھوپیڈکس ڈیپارٹمنٹ کے ڈائریکٹر ڈاکٹر راجیو رنجن سنہا، سینئر کنسلٹنٹ ڈاکٹر سنتوش کمار، ڈاکٹر نیرج کمار نے پہلے ٹیم کے کھلاڑیوں سے بات کی۔ انہوں نے بتایا کہ اکثر کھیلتے ہوئے چوٹیں لگتی ہیں اس لیے انہیں اس کا خیال رکھنا ہوگا اور چوٹ کو نظر انداز نہیں کرنا چاہیے اور فوری طور پر ڈاکٹروں سے رجوع کرنا چاہیے۔ ڈاکٹر مکند پرساد، ڈائرکٹر، شعبہ نیورو سائنس نے کھلاڑیوں سے نیورو کیئر اور نیورو سے متعلق چوٹوں اور علاج کے مختلف مسائل پر بات کی جو کھیلوں کے دوران ہوتی ہیں۔ جئے پربھا میدانتا سپر اسپیشلٹی اسپتال کے فزیو تھراپسٹ ڈاکٹر وریندر کمار نے سب سے پہلے ٹیم کے کھلاڑیوں کو بتایا کہ کھیل کے دوران لگنے والی چوٹوں پر کس قسم کی ابتدائی طبی امداد دی جا سکتی ہے۔انہوں نے کچھ ورزشوں کے بارے میں بھی بتایا جس سے ان کے جسم کی لچک اور ہڈیوں کی مضبوطی برقرار رہے گی۔ پروگرام کے بعد پٹنہ پائریٹس کی ٹیم نے جئے پربھا میدانتا اسپتال کا دورہ کیا اور اپنے مداحوں کے ساتھ تصویریں کھنچوائیں اور آٹوگراف دیئے۔