تاثیر،۳ جنوری۲۰۲۴:- ایس -ایم- حسن
نئی دہلی، 3 جنوری: بھارتی ریسلنگ فیڈریشن اور کچھ ریسلرز کے درمیان جاری تنازعہ مسلسل بڑھتا جا رہا ہے۔ اب نوجوان پہلوانوں نے ساکشی ملک، ونیش پھوگاٹ اور بجرنگ پونیا کے خلاف محاذ کھول دیا ہے۔ جنتر منتر پر احتجاج کرنے والے جونیئر پہلوانوں نے ان لوگوں پر ریسلنگ کو برباد کرنے کا الزام لگایا ہے۔
قابل ذکر ہے کہ جنوری 2023 سے ڈبلیو ایف آئی کی دو معطلی کی وجہ سے قومی کیمپ اور مقابلے معطل ہیں۔ نوجوان پہلوان راہل چودھری نے بتایا کہ ریسلنگ چیمپئن شپ 28 سے 30 دسمبر تک اتر پردیش کے گونڈا کے نندنی نگر میں ہونی تھی لیکن ان تینوں پہلوانوں نے فیڈریشن پر الزام لگا کر اس چیمپئن شپ کو روک دیا۔ حیرت ہے کہ ان لوگوں نے ایک ایسے شخص پر بھی الزامات لگائے جو صدر کا عہدہ نہیں سنبھال سکا تھا۔
چودھری نے کہا کہ جونیئر پہلوانوں کا مستقبل پچھلے دو سالوں سے تاریکی میں لٹکا ہوا ہے۔ ہم ایک غریب گھرانے سے ہیں۔ ہر سال 40 سے 50 ہزار خرچ ہوتے ہیں۔ ان لوگوں نے اپنا کیریئر بنایا ہے۔ انہوں نے سب نام اور شہرت کمائی، ان لوگوں کے پاس پیسہ بھی بہت ہے، اب یہ صرف سیاست کر رہے ہیں اور جونیئر پہلوانوں کے مستقبل سے کھیل رہے ہیں۔