تاثیر،۸ جنوری۲۰۲۴:- ایس -ایم- حسن
نئی دہلی ،7؍جنوری: عام آدمی پارٹی کے امیدوار سنجے سنگھ، سواتی مالیوال اور این ڈی گپتا نے پیر کو دہلی سے راجیہ سبھا کی تین سیٹوں کے لیے 19 جنوری کو ہونے والے انتخابات کے لیے کاغذات نامزدگی داخل کیے۔ افسران نے یہ معلومات فراہم کیں۔سنجے سنگھ، سشیل کمار گپتا اور این ڈی گپتا کی چھ سالہ مدت 27 جنوری کو ختم ہو رہی ہے۔ اس بار آپ نے سشیل گپتا کی جگہ دہلی ویمن کمیشن کی سابق چیئرپرسن مالیوال کو اپنا امیدوار بنایا ہے۔ منتخب ہونے کے بعد این ڈی گپتا اور سنجے سنگھ کی دوسری میعاد ہوگی۔حکام نے بتایا کہ مالیوال، این ڈی گپتا اور سنگھ نے سول لائنز میں دہلی ٹرانسپورٹ کمشنر کے دفتر میں اپنے نامزدگیاں داخل کیں۔اگر ضرورت پڑی تو 19 جنوری کو تینوں اسامیوں کو پر کرنے کے لیے انتخابات کرائے جائیں گے۔ کاغذات نامزدگی داخل کرنے کی آخری تاریخ 9 جنوری ہے جبکہ کاغذات نامزدگی کی جانچ پڑتال 10 جنوری کو ہوگی۔ نام واپس لینے کی آخری تاریخ 12 جنوری ہے۔