تاثیر،۲۹ جنوری۲۰۲۴:- ایس -ایم- حسن
ممبئی، 29 جنوری : مہاراشٹر کے احمد نگر ضلع میں احمد نگر-سمبھاجی نگر شاہراہ پر پنڈھاری پل کے قریب کل رات ایک تیز رفتار کنٹینر ڈرائیور دو دو پہیہ گاڑیوں کو ٹکر مار کر بھاگ گیا۔ اس حادثے میں ایک ہی خاندان کے چار افراد ہلاک ہو گئے۔ جاں بحق ہونے والوں میں میاں بیوی اور دو بچے شامل ہیں۔ اس حادثہ میں ایک شخص زخمی ہوگیا۔ اس کا قریبی اسپتال میں علاج کیا جا رہا ہے۔ پارنیر پولیس نے حادثے کی تصدیق کی ہے۔
پولس کے مطابق، پارنیر وڈگاؤں کے انل بالا صاحب پوار (28) اپنی بیوی سونالی انل پوار (22) بیٹے انل پوار (11) اور چھ ماہ کے بچے کے ساتھ دو پہیہ گاڑی پر گھر لوٹ رہے تھے۔ پندھاری پل کے قریب پیچھے سے آنے والے کنٹینر نے ان کی گاڑی کو کچل دیا۔ اسی دوران کنٹینر نے ایک اور دو پہیہ گاڑی کو بھی ٹکر مار دی۔ حادثے میں انل بالا صاحب پوار اور ان کے خاندان کے افراد کی موقع پر ہی موت ہو گئی۔ دوسرا موٹر سائیکل سوار بھگوان اوہاڈ زخمی ہوگیا۔ پارنیر پولیس کا کہنا ہے کہ کنٹینر ڈرائیور کی تلاش جاری ہے۔