تاثیر،۶ جنوری۲۰۲۴:- ایس -ایم- حسن
ٹی وی کی دنیا کی ڈارلنگ ’کومولیکا‘ یعنی اداکارہ اروشی ڈھولکیا کو اسپتال میں داخل کرایا گیا ہے۔ حال ہی میں ان کی ایک تصویر سوشل میڈیا پر وائرل ہو رہی ہے۔ اس تصویر نے ان کے مداحوں کی پریشانی بڑھا دی ہے۔ اس تصویر میں اروشی اسپتال کے بستر پر نظر آرہی ہیں۔ یہ تصویر اروشی کے بیٹے کشتیج نے ہسپتال سے پوسٹ کی ہے۔ اداکارہ کو گردن میں ٹیومر کی وجہ سے سرجری کروانا پڑی۔ ان کی سرجری کامیاب رہی۔ ڈاکٹر نے اب انہیں کچھ دن آرام کا مشورہ دیا ہے۔ اروشی کو ممبئی کے ناناوتی اسپتال میں داخل کرایا گیا ہے۔
اس کے ساتھ ہی اروشی نے ایک بیان جاری کرتے ہوئے کہا، ’’دسمبر 2023 کے آغاز میں مجھے گردن میں ٹیومر کی وجہ سے سرجری کرانی پڑی۔ میری سرجری کامیاب رہی اور اب مجھے 15 سے 20 دن آرام کا مشورہ دیا گیا ہے۔
اداکارہ اروشی ڈھولکیا نے بھی حال ہی میں اپنی طلاق پر تبصرہ کیا۔ اداکارہ نے انوج سچدیو سے طلاق کے بارے میں کھل کر بات کی۔ اروشی نے کہا کہ 18 سال کی عمر میں طلاق کے بعد انہیں پھر کبھی سچا پیار نہیں ملا۔ اروشی کی شادی 16 سال کی عمر میں ہوئی۔ ایسی حالت میں 17 سال کی عمر میں اس نے جڑواں بچوں کو جنم دیا۔ جب اروشی 18 سال کی تھیں تو ان کی طلاق ہوگئی۔ ایک انٹرویو میں ان سے پوچھا گیا کہ جب وہ طلاق کے بعد انڈسٹری میں واپس آئیں تو کیا لوگوں نے انہیں نشانہ بنانے کی کوشش کی؟ اس کے جواب میں انہوں نے کہا کہ نہیں ایسا ہر گز نہیں ہوا۔ ظاہر ہے ایک کشش تھی۔ لیکن، میں کام پر بہت توجہ مرکوز کر رہی تھی۔ جب مجھے لگتا کہ سامنے والا کوئی غلط مقصد رکھتا ہے تو میں اسے وہیں روک دیتی۔ میں بہت واضح تھی۔”
اروشی ڈھولکیا نے سیریل “کسوٹی زندگی کی” میں کومولیکا کا کردار ادا کیا تھا۔ اس سیریز کی وجہ سے وہ ہر گھر میں مشہور ہوگئیں۔ اس کے علاوہ اروشی ’بگ باس 6‘ کی فاتح بھی تھیں۔ وہ سیریلز “کہیں تو ہوگا”، “بڑی دور سے آئے ہیں”، “چندر کانتا”، “ناگن 6” میں بھی نظر آ چکی ہیں۔