تاثیر،۲۰ جنوری۲۰۲۴:- ایس -ایم- حسن
چنئی، 20 جنوری:تمل ناڈو کے تھنجاور کے تھوتھکوڈی ضلع میں ایک سڑک حادثہ میں چار افراد ہلاک اور سات دیگر زخمی ہوئے۔ یہ واقعہ اس وقت پیش آیا جب کار ہفتہ کیعلی الصبح ضلع تھنجاور میں منورا کے قریب ایسٹ کوسٹ روڈ (ای سی آر) پر ایک چھوٹے نہر کے پل پر سے گزر رہی تھی۔ اس دوران ڈرائیور کے بے قابو ہونے کی وجہ سے کار پل کی دیوار سے ٹکرا گئی۔
تھوتھکوڈی ضلع کے مناوایل علاقے کے ایک خاندان کے گیارہ افراد کار میں سوار ہو کر ویلنکنی جا رہے تھے۔ ہفتہ کی علی الصبح جب کار تھنجاور ضلع کے منورا کے قریب ای سی آر پر چل رہی تھی، تو کار کے ڈرائیور ایم چناپنڈی (40) نے کنٹرول کھو دیا اور کار نہر پر پل کی دیوار سے ٹکرا گئی۔
اس حادثے میں ڈرائیور چناپنڈی، وائی بکیاراج (64)، اے گیانمبل (60)، ایم رانی (40)، ایم چناپنڈی (40) کی موقع پر ہی موت ہوگئی۔ دیگر، بشمول ایک 7 سالہ لڑکا، زخمی ہوگئے اور انہیں تھنجاور میڈیکل کالج اسپتال لے جایا گیا۔ پولیس نے مقدمہ درج کرکے لاشوں کو پوسٹ مارٹم کے لیے پٹوکوٹئی کے سرکاری اسپتال بھیج دیا۔