تاثیر،۲۰فروری ۲۰۲۴:- ایس -ایم- حسن
چھپرہ (نقیب احمد)
راشٹریہ لوک مورچہ کی سارن ضلع یونٹ نے منگل کو یوم تاسیس کا اہتمام کیا۔روضہ کے پھول کماری دیوی آریہ شیشو مڈل اسکول کے صحن میں منعقد ایک تقریب میں مورچہ کے ضلع صدر ڈاکٹر اپیندر کشواہا نے بتایا کہ قومی صدر اوپیندر کشواہا نے الیکشن کمیشن آف انڈیا سے راشٹریہ لوک جنتا دل کے اندراج کی درخواست کی تھی۔لیکن نام پہلے سے رجسٹرڈ پارٹیوں سے ملتا جلتا ہونے کی وجہ سے کمیشن نے دوسرے آپشنز کا مطالبہ کیا۔مسٹر کشواہا کے پیش کردہ ناموں میں سے کمیشن نے پارٹی کو راشٹریہ لوک مورچہ کے نام سے منظور کیا ہے۔مورچہ کے ضلع صدر ڈاکٹر کشواہا،جنرل سکریٹری چندا بابو سنگھ،دھنیش کمار مشرا،جواہر لال سونی،وجے کمار سنگھ نے پارٹی کو نئے نام سے پہچان ملنے پر کیک کاٹ کر جشن منایا۔قائدین نے سابق مرکزی وزیر اوپیندر کشواہا کو مبارکباد اور نیک خواہشات بھی ارسال کی۔پروگرام میں ونود کمار گپتا،مرزا سرور امام،شہزاد امام،وریندر سنگھ،پرکاش راج،سمن موریہ،سمن گپتا،رابعہ خاتون،ستارہ خاتون،آمنہ خاتون،کشن کمار،شوبھم سنگھ،امیت سنگھ وغیرہ موجود تھے۔