تاثیر،۲فروری ۲۰۲۴:- ایس -ایم- حسن
ڈھاکہ، 02 فروری : بنگلہ دیش میں آج (جمعہ) کسی بھی وقت خراب موسم کی پیشن گوئی جاری کی گئی ہے۔ بنگلہ دیش کے محکمہ موسمیات کے مطابق کھلنا، دارالحکومت ڈھاکہ، باریسل، چٹاگانگ میں ایک یا دو مقامات پر اور سلہٹ ڈویڑن میں چند مقامات کے ساتھ ساتھ راجشاہی اور میمن سنگھ میں ایک یا دو مقامات پر ہلکی سے درمیانی بارش متوقع ہے۔ اس کے علاوہ ملک بھر میں مطلع جزوی طور پر ابر آلود رہنے کے ساتھ موسم زیادہ تر خشک رہنے کا امکان ہے۔
ڈھاکہ ٹریبیون اخبار کی رپورٹ کے مطابق، آدھی رات سے صبح سویرے کے دوران درمیانی سے گھنی دھند متوقع ہے۔ اس کی وجہ سے اندرون ملک ندیوں میں ٹرانسپورٹیشن میں خلل پڑ سکتا ہے۔ محکمہ نے رات کے درجہ حرارت میں معمولی اضافے کی پیشن گوئی کی ہے۔ دن کے درجہ حرارت میں معمولی کمی ہو سکتی ہے۔ محکمہ نے دارالحکومت ڈھاکہ میں 6 سے 12 کلومیٹر فی گھنٹہ کی رفتار سے شمال اور شمال مغربی سمت سے ہوا چلنے کی توقع ظاہر کی ہے۔