تاثیر،۲۱فروری ۲۰۲۴:- ایس -ایم- حسن
پٹنہ،21فروری: بہار کے لکھی سرائے میں ایک خوفناک سڑک حادثہ پیش آیا۔یہ واقعہ سکندرا مین روڈ پر بہرورا گاؤں کے قریب ایک آٹو کو سامنے سے آنے والے ایک ٹیمپو نے ٹکر مار دی۔ اس حادثے میں ٹیمپو میں سوار 9 افراد کی موقع پر ہی موت ہو گئی اور تقریباً نصف درجن لوگ زخمی ہو گئے۔ تمام زخمیوں کو صدر اسپتال میں طبی امداد دی جا رہی ہے، زخمیوں کی حالت تشویشناک ہے۔ موبائل فون کی بنیاد پر پولیس متوفی کی شناخت کرنے کی کوشش کر رہی ہے۔ پولیس ٹیم موقع پر موجود ہے۔ آپ کو بتاتے چلیں کہ حادثے کے وقت ٹیمپو میں تقریباً 14 لوگ سوار تھے، جن میں سے 9 لوگوں کی جان چلی گئی۔۔ موقع پر موجود عینی شاہد، متوفی ڈرائیور منوج کمار کے بہنوئی انیل مصری نے اس واقعہ کے بارے میں بتایا۔ انہوں نے کہا کہ منوج کو ہلسی سے کچھ لوگوں کو لکھیسرائے لانے کو کہا گیا تھا۔ ہلسی سے لکھی سرائے آتے ہوئے رام گڑھ چوک تھانہ علاقے میں جھلونا کے قریب ٹرک اور سی این جی ٹیمپو کے درمیان زبردست تصادم ہوا، اس واقعہ میں 14 افراد زخمی ہوئے، جن میں سے 9 لوگوں کی موقع پر ہی موت ہو گئی۔