تاثیر،۱۴فروری ۲۰۲۴:- ایس -ایم- حسن
نئی دہلی، 14 فروری : کانگریس کی سینئر لیڈر سونیا گاندھی راجستھان سے راجیہ سبھا جائیں گی۔ وہ آج راجستھان سے پرچہ نامزدگی داخل کرنے جا رہی ہیں۔ حالانکہ کل ہی راجستھان سے ان کی نامزدگی کی اطلاع آئی تھی۔کانگریس کے جنرل سکریٹری کے سی وینوگوپال نے بدھ کو ایک ریلیز جاری کرتے ہوئے کہا کہ کانگریس صدر ملکارجن کھڑگے نے راجیہ سبھا کے لیے چار ناموں کو منظوری دی ہے۔ اس کے تحت سونیا گاندھی راجستھان سے راجیہ سبھا، ہماچل پردیش سے سینئر وکیل ابھیشیک منو سنگھوی، بہار سے ڈاکٹر اکھلیش پرساد سنگھ اور مہاراشٹر سے چندرکانت کھنڈورے امیدوار ہوں گی۔