تاثیر،۱۵فروری ۲۰۲۴:- ایس -ایم- حسن
– آرٹ، کلچر اور یوتھ ڈیپارٹمنٹ، بہار حکومت اور پی ایل ایف کے مشترکہ زیر اہتمام پروگرام کا انعقاد۔
-ارجا آڈیٹوریم راج بنشی نگر، (بیلی روڈ) پٹنہ میں ہوگا
جشنِ بہار پروگرام
پٹنہ14فروری(پریس ریلیز)
شاعری اور موسیقی کی ایک سحر انگیز شام پیش کرنے کے لئے صوفی ازم اور کلاسیکی کے مشہور شاعر اور ستار نواز غزل گو استاد شجاعت حسین خان کی پٹنہ آمد 18فروری کو ہونے جا رہا ہے۔ اسی کے تحت آرٹ، کلچر اور یوتھ ڈپارٹمنٹ حکومت بہار اور پٹنہ لیٹریری فیسٹیول (پی ایل ایف)کے مشترکہ زیراہتمام جشنِ بہار پروگرام کا انعقاد 18فروری کو پٹنہ میں ہو رہا ہے۔ پروگرام کے سلسلے میں پی ایل ایف کے بانی و سیکریٹری جناب خورشید احمد نے کہا کہ جشن بہار پروگرام ارجا آڈیٹوریم راج بنشی نگر، (بیلی روڈ) پٹنہ میں اتوار 18 فروری بوقت شام 5:30 بجے شروع ہوگا۔ تقریب کی مہمان خصوصی آرٹ، کلچر اور یوتھ ڈپارٹمنٹ کی ایڈیشنل چیف سیکرٹری ہرجوت کور صاحبہ ہونگی اور پروگرام کا افتتاح پی ایل ایف کی پیٹرون پروفیسر سنیتا رائے کرینگی۔ جناب خورشید احمد نے کہا کہ پروگرام میں داخلہ مفت ہے لیکن انٹری کارڈ ساتھ لانا لازمی ہے۔ جناب خورشید احمد نے کہا کہ تقریب کو سازگار خوشنما ماحول بنانے میں استاد شجاعت حسین خان کے ہمراہ دو مشہور طبلہ نواز امجد خان دہلی اور شارق مصطفیٰ ہونگے۔ انہوں نے مہمانوں سے گزارش کی ہے کہ شام 5:00 بجے تک اپنی سیٹوں پر بیٹھ جائیں۔داخلہ کار کے لیے براہ مہربانی ان نمبروں9835036655،
9771410150 پر رابطہ کریں اور داخلہ کارڈ حاصل کریں۔ شجاعت حسین خان 19 مئی 1960 کو پیدا ہوئے۔ وہ اپنی نسل کے سب سے زیادہ مشہور شمالی ہندوستانی موسیقار اور ستار بجانے والوں میں سے ایک ہیں۔ ان کا تعلق امداد خانی گھرانہ اسکول آف میوزک سے ہے۔انہوں نے 100 سے زیادہ البمز ریکارڈ کیے ہیں اور انہیں ایرانی موسیقار کاہان کلہور کے ساتھ بینڈ غزل میں کام کرنے پر بہترین عالمی میوزک البم کے لیے گریمی ایوارڈ کے لیے نامزد کیا گیا تھا۔ وہ اکثر گاتے بھی ہیں۔ان کا ستار بجانے کا انداز، جسے گیاکی انگ کہا جاتا ہے، انسانی آواز کی باریکیوں کی نقل کرتا ہے۔ شجاعت حسین خان نے اپنا پہلا کنسرٹ 6 سال کی عمر میں جہانگیر آرٹ گیلری، ممبئی میں کیا۔ شجاعت حسین خان نے ہندوستان میں کئی کنسرٹس میں پرفارم کیا ہے اور ایشیا، افریقہ، شمالی امریکہ اور یورپ میں پرفارم کرتے ہوئے دنیا بھر کا سفر کیا ہے۔ اس میں سوائی گندھرو میوزک فیسٹیول، پنڈت جتیندر ابھیشیک میوزک فیسٹیول، میترا مہوتسو وغیرہ شامل ہیں۔