تاثیر،۸فروری ۲۰۲۴:- ایس -ایم- حسن
اداکارہ پونم پانڈے گزشتہ کچھ دنوں سے سرخیوں میں ہیں۔ ان کے اسٹنٹ نے سب کی توجہ اپنی طرف کھینچ لی۔ اپنے سوشل میڈیا اکاؤنٹ سے سروائیکل کینسر کی وجہ سے موت کی خبر آنے کے بعد پونم پانڈے نے ایک ویڈیو شیئر کرتے ہوئے بتایا کہ وہ زندہ ہیں۔ ان تمام واقعات کے بعد کچھ لوگوں نے پونم کی تعریف کی تو کچھ نے انہیں ٹرول کیا۔ پونم نے یہ کہہ کر کچھ لوگوں کا دل جیت لیا کہ کینسر کے بارے میں بیداری پیدا کرنے کی طرف یہ ایک بڑا قدم ہے۔ لیکن کچھ نے ان کی تنقید کی ۔ اب کہا جا رہا ہے کہ پونم پانڈے کو مرکزی وزارت صحت کی طرف سے بڑی ذمہ داری دی جائے گی۔ اس کے لیے پونم کی ٹیم وزارت صحت سے بات کر رہی ہے۔ ایک رپورٹ کے مطابق حکومت کی جانب سے پونم پانڈے کو کینسر مہم کی برانڈ ایمبیسیڈر مقرر کرنے کا امکان ہے۔پونم پانڈے نے بالی ووڈ میں 2013 میں ڈیبیو کیا۔اس کے بعد پونم نے سال 2013 میں فلم ‘نشا’ سے بالی ووڈ میں قدم رکھا۔ پونم خاص طور پر اپنی عریاں اور بولڈ تصویروں کے لیے جانی جاتی تھیں۔ انہوں نے کنگنا رناوت کے ریئلٹی شو ‘لاک اپ’ میں حصہ لیا تھا۔ وہ شو میں اپنے متنازعہ بیانات اور غیر مہذب رویے کی وجہ سے بھی سرخیوں میں رہیں۔پونم پانڈے بہت مقبول ماڈل ہیں۔ پونم پانڈے سال 2011 میں کرکٹ ورلڈ کپ کے فائنل کے دوران سرخیوں میں آئیں۔ اس کے بعد انہوں نے ایک ویڈیو شیئر کرتے ہوئے کہا کہ اگر بھارت ورلڈ کپ جیتتا ہے تو میں سب کے سامنے اپنے کپڑے اتار دوں گی۔