تاثیر،۲۰فروری ۲۰۲۴:- ایس -ایم- حسن
لاہور ، 20فروری: حال ہی میں پاکستانی کرکٹر شعیب ملک نے اداکارہ ثنا جاوید سے شادی کی ہے۔ اس کے بعد شعیب ملک اورہندوستانی ٹینس اسٹار ثانیہ مرزا میں طلاق ہو گئی۔ تاہم ایک ویڈیو سوشل میڈیا پر تیزی سے وائرل ہو رہا ہے۔ یہ وائرل ویڈیو پاکستان سپر لیگ کی ہے۔ دراصل پاکستان سپر لیگ کے دوران اسٹیڈیم میں موجود مداح شعیب ملک کی تیسری اہلیہ ثنا جاوید کو ان کی سابق اہلیہ ثانیہ مرزا کا نام لے کر ٹرول کر رہے ہیں۔ثنا جاوید پاکستان سپر لیگ کے میچ میں اپنے نئے شوہر شعیب ملک کا میچ دیکھنے پہنچی تھیں۔ اس کے بعد مداحوں نے ثانیہ مرزا کے نام پر نعرے لگانے شروع کر دیئے۔ اس ویڈیو میں دیکھا جا سکتا ہے کہ ثناء جاوید کے پیچھے کھڑے مداحوں کے ایک گروپ نے ثانیہ مرزا کے نام کا نعرہ لگانا شروع کر دیا۔ ثنا جاوید کو بھی کافی ٹرول کیا گیا۔ اس کے بعد ثناء جاوید نے ان مداحوں کو غصے سے دیکھا۔ پھر وہ وہاں سے دوسری جگہ کھسک گئی۔تاہم یہ ویڈیو سوشل میڈیا پر تیزی سے وائرل ہو رہی ہے۔ اس کے علاوہ سوشل میڈیا صارفین مسلسل تبصروں کے ذریعے اپنی رائے دے رہے ہیں۔خیال رہے کہ حال ہی میں پاکستانی کرکٹر شعیب ملک نے اداکارہ ثنا جاوید سے تیسری شادی کی۔ جس کے بعدہندوستانی ٹینس اسٹار ثانیہ مرزا اور شعیب ملک میں طلاق ہو گئی۔دونوں کی شادی 2010 میں ہوئی تھی، اس سے قبل شعیب ملک نے عائشہ صدیقی سے 2002 میں شادی کی تھی۔ اس طرح ثنا جاوید پاکستانی کرکٹر شعیب ملک کی تیسری اہلیہ ہیں۔