تاثیر،۲۰فروری ۲۰۲۴:- ایس -ایم- حسن
پٹنہ، 20 فروری: وزیر اعظم نریندر مودی نے منگل کے روز ا آئی آئی ٹی پٹنہ کی 24 نئی تعمیر شدہ عمارتوں ، آئی آئی ایم بودھ گیا کی مستقل عمارت اور بھاگلپور ٹرپل آئی ٹی کی نئی مستقل عمارت کا ویڈیو کانفرنسنگ کے ذریعے افتتاح کیا۔ وزیر اعلیٰ نتیش کمار بھی بہار اسمبلی کی توسیعی عمارت میں واقع اپنے چیمبر سے ویڈیو کانفرنسنگ کے ذریعے پروگرام میں شامل ہوئے۔
466 کروڑ روپے کی لاگت سے تعمیر کی گئی پٹنہ میں 24 عمارتوں کے تعمیر ہونے سے اکیڈمک بلاک ، سنٹرل لائبریری ، ہاسٹل ، سنٹرل لیکچر ہال اور اسٹوڈنٹ ایکٹیویٹی سینٹرسمیت دیگر سہولیات طلباکو ملنے لگیں۔ وزیر اعلیٰ نے مرکزی حکومت سے سال 2007 میں پٹنہ میں آئی آئی ٹی قائم کرنے کی درخواست کی تھی اور یہ سال 2008 میں پٹنہ میں قائم ہوئی تھی۔ ریاستی حکومت نے پٹنہ کے بہٹا میں انہیں 500 ایکڑ زمین مفت فراہم کی تھی۔ بنیادی تعلیمی اور انتظامی عمارتوں کی تعمیر کے بعد اس ادارے کو سال 2012 میں بہٹا کے مستقل کیمپس میں منتقل کر دیا گیا تھا۔
وزیر اعظم کی جانب سے آج نئی تعمیر شدہ عمارتوں کے افتتاح کے ساتھ ہی یہاں پڑھانے اور سیکھنے کا کام اب بہتر انداز میں چلایا جائے گا۔آئی آئی ایم ، بودھ گیا کی عمارت کے افتتاح کے ساتھ ہی اس کیمپس میں طلباء کو جدید اسمارٹ کلاسز اور لائبریری وغیرہ جیسی بہتر سہولیات ملنا شروع ہو گئی ہیں۔ بھاگلپور میں 128 کروڑ روپے کی لاگت سے ٹرپل ا?ئی ٹی عمارت کے افتتاح کے ساتھ ہی طلباء کو بھی سہولیات ملنا شروع ہوگئی ہیں۔نائب وزرائے اعلیٰ سمراٹ چودھری ، وجے کمار سنہا اور سائنس ، تکنیکی اور تکنیکی تعلیم کے وزیر سمیت کمار سنگھ نے بھی ویڈیو کانفرنسنگ کے ذریعے پروگرام میں شرکت کی۔