تاثیر،۲۱فروری ۲۰۲۴:- ایس -ایم- حسن
دادا صاحب پھالکے انٹرنیشنل فلم فیسٹیول ایوارڈز کی تقریب حال ہی میں منعقد ہوئی۔ تقریب میں شاہ رخ خان، رانی مکھرجی، آدتیہ کپور، ایٹلی، کرینہ کپور اور شاہد کپور بھی موجود تھے۔ اس تقریب کے ریڈ کارپٹ کا ایک ویڈیو وائرل ہو رہا ہے۔اس وائرل ویڈیو میں کرینہ کپور اور شاہد کپور جو کبھی رشتے میں تھے نظر آ رہے ہیں۔ شاہد کپور ریڈ کارپٹ پر کھڑے ہیں اور وہاں کرینہ کپور آئیں۔ کرینہ اور شاہد دونوں کے چہروں پر مسکراہٹ ہے۔ کرینہ ان کے پاس سے گزرتی ہیں اور اپنے پاس کھڑے کسی سے ملتی ہیں، جبکہ شاہد انہیں دیکھتا ہے۔ بعد میں کرینہ وہاں سے چلی جاتی ہیں۔ اس ویڈیو پر نیٹیزنز طرح طرح کے ردعمل دے رہے ہیں۔ ان کی یہ ویڈیو کئی پیپرازی اکاؤنٹس پر شیئر کی گئی ہے۔دراصل، شاہد اور کرینہ کے بریک اپ کو 15 سال سے زیادہ کا عرصہ گزر چکا ہے۔ دونوں اپنی زندگی میں آگے بڑھ چکے ہیں۔ اس کے باوجود اتنے سال گزرنے کے بعد بھی دونوں کو کبھی عوام میں ایک دوسرے سے ملتے یا بات کرتے نہیں دیکھا گیا۔ دونوں نے فلم ’اڑتا پنجاب‘ میں ایک ساتھ کام کیا تھا لیکن ان کا ایک ساتھ کوئی سین نہیں تھا۔ انہوں نے فلم کی تشہیر کے دوران بھی ایک دوسرے سے فاصلہ برقرار رکھا۔