تاثیر،۱۵فروری ۲۰۲۴:- ایس -ایم- حسن
ہلدوانی، 15 فروری : امن و امان میں بہتری کے پیش نظر ضلع مجسٹریٹ نے و نبھول پورہ کے کرفیو متاثرہ علاقے میں واقع گوجاجالی، ریلوے مارکیٹ، آر ایف سی گودام علاقے میں صبح 9 بجے سے شام 4 بجے تک کرفیو میں نرمی دی ہے۔ جبکہ باقی بنبھول پورہ میں رات 9 سے 11 بجے تک کرفیو میں نرمی دینے کا حکم جاری کیا گیا ہے۔ یہ حکم 15 فروری کی صبح 5 بجے سے اگلے احکامات تک نافذ العمل رہے گا۔
ضلع مجسٹریٹ وندنا سنگھ کے جاری کردہ حکم کے مطابق، کرفیو میں نرمی کا حکم ونبھولپورہ میں 15 فروری کی صبح 5 بجے سے لاگو ہوگا۔ اس کے تحت گوجاجالی، ریلوے مارکیٹ، آر ایف سی گودام علاقے میں صبح 9 بجے سے شام 4 بجے تک کرفیو میں نرمی کی گئی ہے۔ جبکہ باقی بنبھول پورہ میں رات 9 سے 11 بجے تک کرفیو میں نرمی ہوگی۔ کرفیو میں نرمی کے دوران علاقے میں اشیائے ضروریہ کی فراہمی سے متعلق ادارے اور دکانیں کھلی رہیں گی۔ اس دوران عام لوگ اشیائے ضروریہ کی خریداری کے لیے دکانوں پر آ سکیں گے جبکہ غیر ضروری نقل و حرکت پر پابندی ہوگی۔علاقے کے لوگوں کے لیے یہ نرمی صرف کرفیو والے علاقے میں نقل و حرکت کی اجازت دے گی۔ وہ کرفیو والے علاقے سے باہر نہیں نکل سکیں گے۔ کرفیو میں نرمی کے تحت طلباء علاقے سے امتحانی مرکز میں امتحان دینے کے لیے آ سکیں گے۔ اس کے علاوہ علاقے میں رہنے والے ملازمین بھی بورڈ ڈیوٹی پر جا سکیں گے۔ اگر لوگ حکم کی خلاف ورزی کرتے ہیں تو ان کے خلاف دفعہ 188 کے تحت کارروائی کی جائے گی۔ ضلع مجسٹریٹ نے انتظامی عہدیداروں کو لاؤڈ اسپیکر کے ذریعہ علاقے میں اس حکم کی تشہیر کرنے کا حکم دیا ہے۔