تاثیر،۱۲مارچ ۲۰۲۴:- ایس -ایم- حسن
بالی ووڈ سپر اسٹار اجے دیوگن کی فلم ‘شیطان’ 8 مارچ کو سینما گھروں میں ریلیز ہوئی۔ فلم نے پہلے تین دنوں میں باکس آفس پر زبردست کمائی کی ہے۔ اجے دیوگن اور آر مادھون پہلی بار اس فلم میں ایک ساتھ نظر آئے ہیں۔ آج تک ہیرو کے طور پر مشہور آر مادھون نے اس فلم میں ولن کا کردار ادا کر کے ناظرین کو حیران کر دیا ہے۔ کالے جادو اور وشیکرن پر مبنی ہارر اور تھرلر فلم ‘ شیطان’ شائقین کے درمیان ہٹ ہو چکی ہے اور باکس آفس پر بھی اس کا ردعمل دیکھنے کو مل رہا ہے۔ فلم ‘ شیطان’ نے ان تین دنوں میں 50 کروڑ روپے سے زیادہ کی کمائی کر لی ہے۔ساکنلک کے مطابق فلم “شیطان” نے اتوار کو 20 کروڑ روپے کا بزنس کیا۔ فلم نے پہلے دن 14.75 کروڑ روپے جبکہ دوسرے دن فلم نے 18.75 کروڑ روپے کی کمائی کی۔ ان تین دنوں میں ’شیطان‘ نے 53.50 کروڑ روپے کما لیے ہیں۔ 60 سے 65 کروڑ روپے کے بجٹ والی یہ فلم جلد ہی اپنی کمائی مکمل کر لے گی۔اجے دیوگن اور آر مادھون کی ’شیطان‘ گجراتی فلم ’واش‘ کا ریمیک ہے۔ واش 10 فروری 2023 کو ریلیز ہوا، لیکن یہ فلم عوام تک پہنچنے میں ناکام رہی۔ فلم ’’واش‘‘ میں مرکزی کردار ادا کرنے والی جانکی بوڈی والا ’’شیطان‘‘ میں بھی اپنی پہچان بنا چکی ہیں۔وہیں اگر ہم فلم ’’شیطان‘‘ کی بات کریں تو یہ فلم کالے جادو، وشیکرن اور توہم پرستی پر مبنی ہے۔ فلم میں اجے دیوگن باپ کا کردار ادا کر رہے ہیں جب کہ آر مادھون ونراج نامی ولن کا کردار ادا کر رہے ہیں۔ فلم ’’شیطان‘‘ میں جیوتھیکا سدانا-سروانن، جانکی بوڈی والا، انگد راج بھی اہم کرداروں میں ہیں۔