تاثیر، ۳۱ مارچ ۲۰۲۴:- ایس -ایم- حسن
جکارتا، 31 مارچ :انڈونیشیا میں فوجی اسلحے کے گودام میں آگ لگنے کے بعد دھماکوں کی آوازیں سنی گئیں۔غیر ملکی میڈیا کے مطابق زائدالمعیاد اسلحے کے ذخیرے میں آگ لگنے کے بعد کئی دھماکے سنے گئے، اسلحہ ڈپو میں آتشزدگی کے باعث قریبی علاقوں سے لوگوں کو نقل مکانی کی ہدایت کر دی گئی۔مقامی میڈیا کا بتانا ہے کہ اسلحے کے گودام میں آتشزدگی کے بعد آسمان پر دھواں چھا گیا جسے کئی کلو میٹر دور سے بھی دیکھا گیا۔انڈونیشین حکام کا کہنا ہے آگ شہر کے باہر گولہ بارود رکھے جانے والیگودام میں لگی، گودام میں آگ لگنے سیجانی نقصان نہیں ہوا۔حکام کا کہنا ہے کہ آگ گودام کے اس حصے سے شروع ہوئی جہاں پرانا ناقابل استعمال گولہ بارود رکھا ہوا تھا، فائر فائٹرز آگ بجھانے کی کوششوں میں مصروف ہیں۔