تاثیر،۱۵مارچ ۲۰۲۴:- ایس -ایم- حسن
رائے پور، 14 مارچ : بھیلائی اسٹیل پلانٹ میں چند ماہ قبل تعمیر کئے گئے کوکو اوونس کے کول کیمیکل پلانٹ 3 میں بدھ کی رات دیر گئے زبردست آگ لگ گئی، جس سے کروڑوں روپے کا نقصان ہوا۔ واقعے میں کسی جانی نقصان کی کوئی خبر نہیں ہے۔ کول سے کوک بناتے وقت بہت سے کیمیائی عناصر خارج ہوتے ہیں، جنہیں ایندھن کے طور پر استعمال کیا جاتا ہے۔ اس میں آگ بہت تیزی سے پھیلتی ہے کیونکہبایو پروڈکٹ میں آتش گیر مواد ہوتا ہے۔
بی ایس پی عہدیداروں نے بتایا کہ آگ شدید گرمی کی وجہ سے لگی تھی ۔ تقریباً ڈیڑھ گھنٹے کی محنت کے بعد آگ پر قابو پالیا گیا۔ اس واقعہ کے بعد بی ایس پی میں کام ٹھپ ہو کر رہ گیا ہے۔
انتظامیہ کے ذرائع کے مطابق کول کیمیکل پلانٹ میں مختلف اقسام کی گیسوں کو ملایا جاتا ہے ۔ اس کے بعد اس گیس کو لوہے کی تیاری میں استعمال کیا جاتا ہے۔اس واقعے میں کسی جانی نقصان کی کوئی خبر نہیں ہے۔
وزیر اعظم کی ٹرافی جیتنے والی یہ فیکٹری ملک میں ریلوے ٹریکس اور بھاری اسٹیل کی پلیٹیں بنانے والی واحد کمپنی ہے اور انفراسٹرکچرکی ایک بڑی پروڈیوسر ہے۔ ملک میں 260 میٹر لمبی ریل پٹریوں کی واحد فراہم کنندہ، اس فیکٹری کی سالانہ پیداواری صلاحیت 31 لاکھ 53 ہزار ٹن اسٹیل ہے۔ یہ فیکٹری وائر راڈ اور مرچنٹ کی مصنوعات جیسی خصوصی اشیا بھی تیار کر رہی ہے۔