تاثیر،۱۲مارچ ۲۰۲۴:- ایس -ایم- حسن
رانچی ، 11 مارچ: ریاستی وزراء کی کونسل کی جانب سے خواتین ملازمین کو اپنے نابالغ بچوں کی دیکھ بھال کے لیے 730 دن کی زچگی کی چھٹی دینے کے فیصلے پر خواتین ملازمین میں خوشی کا ماحول ہے۔ اسی سلسلے میں سوموار کو ویمن چائلڈ ڈیولپمنٹ اینڈ سوشل سیکورٹی ڈپارٹمنٹ کی سینکڑوں خواتین ملازمین ڈھول اور عبیر گلال کے ساتھ وزیر اعلیٰ کی رہائش گاہ پر پہنچیں اور وزیر اعلی چمپائی سورین کا خیرمقدم اور مبارکباد دیتے ہوئے اظہار تشکر کیا۔
وزیر اعلیٰ نے کہا کہ ان کی حکومت خواتین کو بااختیار بنانے کے لیے پرعزم ہے۔ انہوں نے کہا کہ ایک مضبوط خاندان ، سماج ، ریاست اور ملک کی تعمیر کے لیے خواتین کو بااختیار بنانا ضروری ہے۔ یہی وجہ ہے کہ ان کی حکومت نے خواتین کو خود کفیل اور خود انحصار بنانے کے لیے کئی اسکیمیں شروع کی ہیں۔ اس تناظر میں، ریاست میں خدمات انجام دینے والی خواتین ملازمین کے مفاد میں، یہ فیصلہ کیا گیا ہے کہ انہیں اپنے بچوں کی دیکھ بھال کے لیے ان کی سروس کی مدت کے دوران دو سال کی چھٹی دی جائے۔ اس سے یقینی طور پر خواتین کارکنوں کے حوصلے بلند ہوں گے اور وہ اپنی ذمہ داریاں پوری لگن سے نبھا کر ریاست کی ترقی میں شراکت دار بنیں گی۔
اس موقع پر وومن چائلڈ ڈیولپمنٹ اینڈ سوشل سیکورٹی ڈپارٹمنٹ کی اسسٹنٹ ڈائرکٹر کنچن سنگھ ، ڈسٹرکٹ سوشل ویلفیئر آفیسر لاتیہار الکا ہیمبرم اور چائلڈ ڈیولپمنٹ پروجیکٹ آفیسر نیلیشا کماری، محکمہ کی خواتین افسران اور عملہ ، خواتین سپروائزر اور اسسٹنٹ اور ملازمین نے شرکت کی۔ ریاست موجود تھے..