تاثیر،۲۱مارچ ۲۰۲۴:- ایس -ایم- حسن
واشنگٹن ،21مارچ :امریکی وزیرِ خارجہ انٹونی بلنکن کا کہنا ہے کہ غزہ میں جنگ بندی کے معاہدے تک پہنچنے کے قریب ہیں۔امریکی وزیرِ خارجہ انٹونی بلنکن نے عرب میڈیا کو دیے گئے انٹرویو میں کہا ہے کہ امریکہ حماس سے نمٹنے کے متبادل آپشنز پر غور کر رہا ہے۔ان کا کہنا ہے کہ امریکہ رفح میں بڑے پیمانے پر اسرائیلی زمینی آپریشن کی حمایت نہیں کرتا۔
امریکی وزیرِ خارجہ انٹونی بلنکن نے کہا ہے کہ غزہ جنگ کا خاتمہ چاہتے ہیں تاکہ غزہ کی پٹی کے مستقبل پر کام کیا جائے۔انہوں نے کہا کہ بحیرۂ احمر میں جو ہو رہا ہے وہ صرف امریکی نہیں، بین الاقوامی مسئلہ ہے۔
امریکی وزیرِ خارجہ انٹونی بلنکن نے مزید کہا ہے کہ ایران پر امریکہ دباؤ ڈال رہا ہے کہ وہ حوثیوں پر اپنا اثر و رسوخ استعمال کرے۔ان کا یہ بھی کہنا ہے کہ حماس کو غزہ کی انسانی صورتِ حال کی پرواہ نہیں ورنہ وہ مذاکرات کے لیے مزید رعایتیں دیتی۔