تاثیر،۱۴مارچ ۲۰۲۴:- ایس -ایم- حسن
نئی دہلی، 13 مارچ : دہلی ہائی کورٹ نے ڈی ڈی اے کو ہدایت دی کہ مجنو کا ٹیلا کے پناہ گزین کیمپ میں مقیم پاکستانی ہندو پناہ گزینوں کے خلاف کوئی احتیاطی کارروائی نہ کرے۔ کیس کی اگلی سماعت 19 مارچ کو ہوگی۔درخواست میں کہا گیا ہے کہ 4 مارچ کو ڈی ڈی اے نے نوٹس جاری کرتے ہوئے 6 مارچ تک کیمپ خالی کرنے کو کہا تھا۔ درخواست میں کہا گیا کہ پاکستانی ہندو مہاجرین کئی سالوں سے مجنوں کا ٹیلہ میں مقیم ہیں، حکام کی جانب سے انہیں بنیادی سہولیات فراہم کی جارہی ہیں۔درخواست گزار کی جانب سے کہا گیا کہ ایک طرف حکومت پڑوسی ممالک کی مظلوم اقلیتوں کو شہریت دے رہی ہے اور دوسری طرف دہلی کے مہاجر کیمپوں میں رہنے والوں کو نکالا جا رہا ہے۔ اس سے پہلے بھی مجنوں کا ٹیلہ میں رہنے والے لوگوں کو بنیادی سہولیات فراہم کرنے کا مطالبہ کرتے ہوئے ایک پٹیشن دائر کی گئی تھی جس کے بعد انہیں سہولیات ملنا شروع ہو گئی تھیں۔