تاثیر،۳۰مارچ ۲۰۲۴:- ایس -ایم- حسن
غازی پور، 30 مارچ: اتر پردیش کے سابق ایم ایل اے مختار انصاری کی میت کو آج (ہفتہ) سخت سیکورٹی کے درمیان غازی پور ضلع میں ان کی آبائی رہائش گاہ یوسف پور محمد آباد کے قریب کالی باغ میں واقع قبرستان میں سپرد خاک کر دیا گیا۔ صبح مختار کے آبائی گھر سے جنازہ نکالا گیا۔ اس میں ان کے ایم پی بھائی افضل انصاری، بیٹے عمر انصاری اور بھتیجے ایم ایل اے صہیب انصاری سمیت ان کے اہل خانہ اور حامی موجود تھے۔ ان کے بڑے بھائی اور سابق ایم ایل اے صبغت اللہ انصاری سمیت اہل خانہ اور رشتہ داروں نے بھی نماز جنازہ میں شرکت کی۔