تاثیر،۱۵مارچ ۲۰۲۴:- ایس -ایم- حسن
پٹنہ، 14 مارچ، 2024:وزیر اعلیٰ جناب نتیش کمار کے سامنے1 انیمارگ واقع ‘سنکلپ’ میں
محکمہ آبی وسائل، شہری ترقیات ورہائش محکمہ اور محکمہ کھیل نے ایک پریزنٹیشن کے ذریعے اپنے اپنے محکموں کے کام کے منصوبوں کے بارے میں تفصیلی جانکاری دی گئی۔ میٹنگ میں محکمہ آبی وسائل کے تحت جل جیون ہرہالی مہم کے تحت ندی کے فاضل پانی کو پانی کی کمی والے علاقوں تک لے جانے سے متعلق منصوبے کا پرزنٹیش دیا گیا۔ ڈیولپمنٹ کمشنر و آبی وسائل محکمہ کے ایڈیشنل چیف سکریٹری جناب چیتنیے پرساد نے پٹنہ شہر کے لئے پینے کے پانی کے ساتھ ساتھ اورنگ آباد، ڈیہری، ارول، ساسارام، جہان آباد، بھبھوا، موہنیا اور ادھورا پہاڑیوں (ضلع کیمور) میں پینے کا پانی فراہم کرنے کی اسکیم کے بارے میں تفصیلی جانکاری دی۔ انہوں نے بتایا کہ ندی کے پانی ک سیلاب کی مدت کے دوران ڈریجنگ کا کام (جولائی سے اکتوبر) کے درمیان کیا جائے گا اور ان 4 ماہ کے دوران ندی کے پانی کو ڈریجنگ کرتے ہوئے بقیہ 8 مہینوں کی ضرورت کو مدنظر رکھ کر ذخیرہ کر کے اس اسکیم کے لیے کم سے کم اراضی کا حصول کیا جائے گا۔جنوبی بہار کے ان شہروں میں زیر زمین پانی کی سطح گر رہی ہے۔ مستقبل میں آبادی میں اضافے اور صنعتی ترقی کی وجہ سے زمین کی سطح پر ضرورت سے زیادہ دباؤ کا امکان ہے۔ ان حالات کو حل کرنے کے لیے ندی کے پانی کا بہتر طریقے سے مینجمنٹ کرکے اس پانی کو پینے کے پانی کی فراہمی کے لیے استعمال کیا جائے گا۔
میٹنگ میں محکمہ کھیل کے پرنسپل سکریٹری ڈاکٹر بی راجندر نے پریزنٹیشن کے ذریعہ ڈویژنل ہیڈکوارٹر کے ارد گرد کھیلوں کے اسٹیڈیم کی تعمیر، کھلاڑیوں کی ٹریننگ اور کھیلوں کو فروغ دینے سے متعلق منصوبہ کے بارے میں تفصیلی جانکاری دی۔
میٹنگ میں شہری ترقیات اور رہائش محکمہ کے پرنسپل سکریٹری جناب آنند کشور نے ایک پریزنٹیشن کے ذریعے ریاست کے بڑے شہروں کے آس پاس غیر ترقی یافتہ علاقوں میں گرین ٹاؤن شپ تیار کرنے کے منصوبے کے بارے میں تفصیلی جانکاری دی۔ انہوں نے کہا کہ ترقی یافتہ ٹاؤن شپ میں سڑکوں، پارکس، پانی کی نکاسی، پینے کے صاف پانی وغیرہ کے بہتر اور منصوبہ بند انتظامات ہوں گے۔
جائزہ کے دوران وزیر اعلیٰ نے کہا کہ پانی اور ماحولیات کے تحفظ کے حوالے سے جل جیون ہریالی مہم شروع کی گئی ہے۔ جل، جیون۔ ہریالی کا مطلب یہ ہے کہ جب پانی اور ہریالی ہے تو سب کی زندگی محفوظ ہے۔ گنگا واٹر سپلائی اسکیم کے تحت راجگیر، گیا، بودھ گیا اور نوادہ شہروں میں پینے کا پانی فراہم کیا جا رہا ہے۔ جس کی وجہ سے عوام کو پینے کا صاف پانی دستیاب ہو رہا ہے۔ مستقبل میں آبادی میں اضافے اور زیر زمین پانی کی سطح میں کمی کے پیش نظر، جل جیون-ہریالی مہم کے تحت، بارش کے مہینوں میں مختلف ندیوں کے اضافی پانی کو ذخیرہ کرنے اور اسے شفاف پینے کے پانی کے طور پر دستیاب کرنے کے منصوبے پر کام کیا جائے گا۔ انہوں نے کہا کہ ہم شروع سے ہی کھیل اور کھلاڑیوں کو فروغ دے رہے ہیں۔ جب ہم محترم اٹل جی کی حکومت میں ریلوے کے وزیر تھے تو ہم نے محکمہ میں کھلاڑیوں کو نوکریاں دینے کا انتظام کیا تھا اور اس پر عمل بھی کیا تھا۔ اب بہار میں الگ کھیلوں کا محکمہ بنایا گیا ہے تاکہ کھیلوں اور کھلاڑیوں کی مزید حوصلہ افزائی کی جاسکے۔ بچوں کو لگن سے پڑھنا چاہیے اور کھیلوں میں بھی حصہ لینا چاہیے۔ انہوں نے کہا کہ مختلف ٹاؤن شپ ایریاز کی ترقی سے بڑے شہروں کے اردگرد کے علاقے مزید ترقی یافتہ ہوں گے اور لوگ اس کا صحیح استعمال کر سکیں گے۔
میٹنگ میں نائب وزیر اعلیٰ اور وزیر خزانہ اور شہری ترقیات اور ہاؤسنگ کے وزیر جناب سمراٹ چودھری، آبی وسائل کے وزیر جناب وجے کمار چودھری، وزیر اعلیٰ کے پرنسپل سکریٹری مسٹر دیپک کمار، چیف سکریٹری مسٹر برجیش مہروترا، ڈیولپمنٹ کمشنر اور آبی وسائل محکمہ کے ایڈیشنل چیف سکریٹری مسٹر چیتنیے پرسادوزیر اعلیٰ کے پرنسپل سکریٹری ڈاکٹر ایس سدھارتھ،جنرل ایڈمنسٹریشن کم اسپورٹس محکمہ کے پرنسپل سکریٹری ڈاکٹر بی راجندر، شہری ترقیات اور ہاؤسنگ ڈپارٹمنٹ کے پرنسپل سکریٹری مسٹر آنند کشور۔، پبلک ہیلتھ انجینئرنگ ڈپارٹمنٹ کے پرنسپل سکریٹری مسٹرپنکج کمار، محکمہ منصوبہ بندی اور ترقی کے پرنسپل سکریٹری مسٹرکے سینتھل کمار، وزیر اعلیٰ کے سکریٹری جناب انوپم کمار، محکمہ خزانہ کے سکریٹری (وسائل) مسٹر لوکیش کمار سنگھ، وزیراعلی کے او ایس ڈی مسٹر گوپال سنگھ، چیف منسٹر سکریٹریٹ کے اسپیشل سکریٹری مسٹرچندر شیکھر سنگھ، محکمہ کھیل کے ڈائرکٹر مسٹرمہیندر کمار، انجینئر ان چیف (ایریگیشن کریشن) مسٹر پدماکانت جھا سمیت دیگر سینئر افسران اور انجینئرز۔ موجودتھے۔