تاثیر، ۳۱ مارچ ۲۰۲۴:- ایس -ایم- حسن
اسلام آباد، 31 مارچ: پاکستان کے شمال مغرب میں موسلا دھار بارشوں کے نتیجے میں کم از کم آٹھ افراد ہلاک اور 12 زخمی ہو گئے ہیں۔ ہلاک ہونے والوں میں تین بہن بھائی بھی شامل ہیں، جن کی عمریں تین سے سات برس کے درمیان تھیں۔مقامی ڈیزاسٹر منیجمنٹ اتھارٹی کے ترجمان انور شہزاد کے مطابق صوبہ خیبر پختونخوا کے مختلف اضلاع میں موسلادھار بارشوں کے نتیجے میں متعدد گھر اس وقت منہدم ہوئے، جب لوگ ان کے اندر تھے۔شہزاد نے بتایا کہ مرنے والوں میں تین بہن بھائی بھی شامل ہیں، جن کی عمریں تین سال سے سات سال کے درمیان تھیں۔پاکستان میں رواں سال موسم سرما کی بارشوں میں تاخیر ہوئی ہے۔ عمومی طور پر ان بارشوں کا آغاز نومبر کے مہینے میں ہوتا ہے لیکن اس مرتبہ ان کا آغاز فروری میں ہوا۔رچ کے شروع میں شمال مغربی علاقوں میں بارش سے متعلقہ واقعات میں تقریباً 30 افراد ہلاک ہو گئے تھے۔ سن دو ہزار بائیس آنے والے تباہ کن سیلاب اور اس کے نتیجے میں بیماریوں کے پھیلنے سے تقریباً دو ہزار افراد ہلاک ہوگئے تھے سن دو ہزار بائیس آنے والے تباہ کن سیلاب اور اس کے نتیجے میں بیماریوں کے پھیلنے سے تقریباً دو ہزار افراد ہلاک ہوگئے تھیعالمی موسمیاتی تبدیلیاں جنوبی ایشیائی ملک پاکستان کو شدید متاثر کر رہی ہیں۔ اس ملک میں سن دو ہزار بائیس آنے والے تباہ کن سیلاب اور اس کے نتیجے میں بیماریوں کے پھیلنے سے تقریباً دو ہزار افراد ہلاک ہو گئے تھے اور ملک کا ایک تہائی حصہ زیر آب آ گیا۔ ان سیلابوں میں مجموعی طور پر 33 ملین افراد متاثر ہوئے تھے۔ پاکستان عالمی سطح پر کاربن کے ایک فیصد سے بھی کم اخراج کا ذمہ دار ہے لیکن اس کا شمار موسمیاتی خطرات سے دوچار چوٹی کے دس ممالک میں ہوتا ہے۔پاکستان کی سرحد کے قریب افغانستان کے علاقوں میں بھی 29 اور 30 ??مارچ کو ہونے والی شدید بارشوں نے 1500 ایکڑ سے زائد زرعی اراضی کو تباہ کر دیا ہے۔اقوام متحدہ کے دفتر برائے انسانی امور نے ہفتے کے روز اس کا اعلان کیا، ”افغانستان کے سات صوبوں میں سینکڑوں گھروں، پلوں اور سڑکوں جیسے اہم بنیادی ڈھانچے کو شدید نقصان پہنچا ہے۔ سب سے زیادہ متاثرہ صوبے شمالی فاریاب اور مشرقی ننگرہار ہیں۔اقوام متحدہ کی ایجنسی کے مطابق شمالی علاقوں میں ایک ماہ سے بھی کم عرصے میں یہ تیسرا سیلاب آیا ہے، جس میں سات افراد ہلاک اور 384 خاندان متاثر ہوئے ہیں۔