تاثیر،۲۸مارچ ۲۰۲۴:- ایس -ایم- حسن
چنڈی گڑھ، 28 مارچ: معروف پنجابی آنجہانی گلوکار سدھو موسے والا کے والدین کے ہاں بیٹے کی پیدائش کے بعد اب پنجاب کے وزیر اعلیٰ اور عام آدمی پارٹی (اے اے پی) کے رہنما بھگونت سنگھ مان کے ہاں بیٹی کی پیدائش ہوئی ہے۔50 سالہ بھگونت سنگھ مان اور ان کی اہلیہ ڈاکٹر گرپریت کور نے آج اپنے ہاں بیٹی کو خوش آمدید کہا ہے۔بھگونت سنگھ مان کی اہلیہ اور اُن کی نومولود بیٹی دونوں صحت مند ہیں اور موہالی کے اسپتال میں داخل ہیں۔وزیرِ اعلیٰ نے بھی اپنے ایکس اکاؤنٹ پر اس خوشخبری کو صارفین کے ساتھ شیئر کیا ہے جس میں اُنہوں نے کہا ہے کہ ’خدا نے بیٹی کا تحفہ دیا ہے، ماں اور بچہ دونوں صحت مند ہیں۔‘ پنجاب کے وزیر اعلیٰ بھگونت سنگھ مان اور ڈاکٹر گرپریت کور نے جولائی 2022ء میں چندی گڑھ میں شادی کی تھی۔بھگونت سنگھ مان نے پنجاب کے وزیر اعلیٰ کے طور پر حلف لینے کے چار ماہ بعد شادی کی تھی۔اے پی پی پارٹی کے رہنما نے 2015ء میں اپنی پہلی بیوی اندرپریت کور کو طلاق دے دی تھی۔اندرپریت کور سے اِن کے دو بچے، 23 سالہ بیٹی سیرت کور مان اور 19 سالہ بیٹا دلشان سنگھ مان ہے۔